Garvita Odia
ନୟାଗଡ଼: ଯୁବକଙ୍କ ହାତଗୋଡ଼କୁ ଗଛରେ ବାନ୍ଧି କାଠ ଫାଳିଆରେ ନିସ୍ତୁକ ପିଟିଲେ ଲୋକେ। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନୟାଗଡ଼ ଜିଲା ଫତେଗଡ଼ ଥାନା ଅନ୍ତର୍ଗତ ବଡ଼ସହରା ଅଞ୍ଚଳରେ। ଘଟଣା ସମୟର ଦୃଶ୍ୟର ଭିଡିସ ଏବେ ସାମାଜିକ ଗଣମାଧ୍ୟମରେ ପ୍ରଘଟ ହୋଇଛି। ପୁଲିସ ଏ ସମ୍ପର୍କରେ ଅବଗତ ହେବା ପରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ମିଳିଥିବା ସୂଚନା ଅନୁସାରେ, ବଡ଼ସହରା ଅଞ୍ଚଳରେ ଜଣେ ଯୁବକଙ୍କୁ ଜଣେ ମହିଳାଙ୍କ ସମେତ ୩/୪ ଜଣ ବ୍ୟକ୍ତି ଅମାନୁଷିକ ଭାବେ ମାଡ଼ ମାରୁଛନ୍ତି। ଯୁବକଙ୍କ ହାତ ଏବଂ ଗୋଡ଼କୁ ଗଛରେ ବାନ୍ଧି ତାଙ୍କୁ କାଠ ଫାଳିଆରେ ପିଟୁଛନ୍ତି। ଏଭଳି ବର୍ବରତା କରିଥିବା ଅଭିଯୁକ୍ତମାନେ ଫେରାର ହୋଇଯାଇଛନ୍ତି। ଗତ ଶୁକ୍ରବାର ଅପରାହ୍ନରେ ଏହି ଘଟଣା ଘଟିଛି। ପୁଲିସ ଭିଡିଓଟିରୁ ସମସ୍ତ ଅଭିଯୁକ୍ତଙ୍କୁ ଚିହ୍ନଟ କରିଛି। ହେଲେ ଗିରଫ କରିପାରି ନାହିଁ। କ’ଣ ପାଇ ଯୁବକଙ୍କୁ ଏଭଳି ମାଡ଼ ମରାଯାଇଛି ତାହା ଜଣାପଡ଼ି ନାହିଁ। ତେବେ ତାଙ୍କୁ ଗୁରୁତର ଅବସ୍ଥାରେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି।
