ବିଶ୍ଵ ବାଇ ସାଇକେଲ ଦିବସ ପାଳିତ

ଭାରତ ସରକାର ଙ୍କ ଯୁବ ବ୍ୟାପାର ଓ କ୍ରୀଡ଼ା ମନ୍ତ୍ରଣାଳୟ ଅଧିନସ୍ଥ ମେରା ଯୁବା ଭାରତ ଦେବଗଡ଼ ପକ୍ଷରୁ ରିଆମାଳ ବ୍ଳକ ସଦର ମହକୁମା ରେ ବିଶ୍ଵ ବାଇ ସାଇକେଲ ଦିବସ ପାଳିତ ହୋଇଯାଇଛି l ଏହି ଅବସରରେ ରିଆମାଳ ସ୍ଥିତ ଆମ ପାଠଶାଳା ଠାରୁ ଏକ ସାଇକେଲ ଶୋଭାଯାତ୍ରା ରେ ଶତାଧିକ ଛାତ୍ର ଛାତ୍ରୀ ବିଭିନ୍ନ ଗ୍ରାମ ପରିକ୍ରମା କରିବା ସହିତ ସାଇକେଲ ଚଳାଇ ନିଜକୁ ସୁସ୍ଥ ରଖିବା ସହିତ ପରିବେଶ କୁ ପ୍ରଦୂଷଣ ମୁକ୍ତ ରଖିବା ପାଇଁ ସଚେତନତା ବାର୍ତ୍ତା ପ୍ରସାରିତ କରିଥିଲେ l ମେରା ଯୁବା ଭାରତ ଦେବଗଡ଼ ର ପ୍ରଦୀପ କୁମାର ବିଶ୍ଵାଳ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଆୟୋଜିତ ଉକ୍ତ ସାଇକେଲ ଶୋଭାଯାତ୍ରା କୁ ରିଆମାଳ ଗୋଷ୍ଠୀ ଉନ୍ନୟନ ଅଧିକାରୀ ଆଦିତ୍ୟ କୁମାର ପଣ୍ଡା ଓ ଆମ ପାଠଶାଳା ର ଅଧ୍ୟକ୍ଷ ଗୋଲ ବଦନ ବିଶ୍ଵାଳ, ପୂର୍ବତନ ସମିତି ସଭ୍ୟ ଗାନ୍ଧୀ ଚରଣ ନାୟକ ପ୍ରମୁଖ ଯୋଗଦେଇ ସବୁଜ ପତାକା ପ୍ରଦର୍ଶନ କରି ଶୁଭାରମ୍ଭ କରିଥିଲେ l ଉକ୍ତ କାର୍ଯ୍ୟକ୍ରମରେ ଆମ ପାଠଶାଳା ର ଶିକ୍ଷକ ଉମାକାନ୍ତ ଦେହୁରୀ, ପ୍ରଶାନ୍ତ କୁମାର ନନ୍ଦ, ସନ୍ତୋଷ କୁମାର ବିଶ୍ବାଳ ଓ ଶିକ୍ଷୟିତ୍ରୀ ଆଶ୍ରିତା ପ୍ରଧାନ ପ୍ରମୁଖ ସହଯୋଗ କରିଥିଲେ l