Garvita Odia
ଭୁବନେଶ୍ୱର: ଭୁବନେଶ୍ୱରରେ ଜଣେ ଯୁବତୀଙ୍କୁ ତାଙ୍କ ଭଡ଼ାଘରେ ଜଣେ ମୁଖାପିନ୍ଧା ବ୍ୟକ୍ତି ପଶି ବନ୍ଧୁକ ଦେଖାଇ ଧମକ ଦେବା ସହ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି। ଏ ନେଇ ବିଜେଡିର ଏକ ପ୍ରତିନିଧିମଣ୍ଡଳୀ ପୀଡ଼ିତାଙ୍କ ଘରକୁ ଯାଇ ଘଟଣା ସମ୍ପର୍କରେ ଘର ମାଲିକ ଓ ପଡ଼ୋଶୀମାନଙ୍କ ସହ ଆଲୋଚନା କରିଛି।
ଏହାପରେ ବିଜେଡି ପ୍ରତିନିଧିମଣ୍ଡଳୀ ଡିସିପିଙ୍କୁ ଭେଟି ଏକ ସ୍ମାରକପତ୍ର ପ୍ରଦାନ କରିଛି। ଏଥିରେ ସମ୍ପୃକ୍ତ ଅଭିଯୁକ୍ତଙ୍କୁ ଗିରଫ କରି କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛି। ପ୍ରତିନିଧିମଣ୍ଡଳୀ ପୋଲିସକୁ ନିରପେକ୍ଷ ତଦନ୍ତ କରିବାକୁ ଦାବି କରିଛି।ପୀଡ଼ିତାଙ୍କ ମର୍ଯ୍ୟାଦା, ଗୋପନୀୟତା ଓ ପରିଚୟକୁ ସମ୍ପୂର୍ଣ୍ଣ ସୁରକ୍ଷା ଦିଆଯିବା ସହ ଆଇନଗତ ପ୍ରକ୍ରିୟା ସମୟରେ ପୀଡ଼ିତା ଓ ତାଙ୍କ ପରିବାରକୁ ଆବଶ୍ୟକ ସମସ୍ତ ସହାୟତା ଓ ସୁରକ୍ଷା ଯୋଗାଇ ଦିଆଯାଉ ବୋଲି ପ୍ରତିନିଧିମଣ୍ଡଳୀ ଡିସିପିଙ୍କୁ କହିଥିଲେ। ।
ବିଧାୟକ ଅନନ୍ତ ନାରାୟଣ ଜେନାଙ୍କ ନେତୃତ୍ୱରେ ଯାଇଥିବା ଏହି ପ୍ରତିନିଧିମଣ୍ଡଳୀରେ ମେୟର ସୁଲୋଚନା ଦାସ, ରାଜ୍ୟସଭା ସାଂସଦ ସୁଲତା ଦେଓ, ସୁମିତ୍ରା ଜେନା, ଡ଼ ମିନତୀ ବେହେରା, ଡ଼ ଗୀତା ବସ୍ତିଆ, ଡ଼ ପ୍ରିୟବ୍ରତ ମାଝୀ, ମାନସୀ ସୁନ୍ଦରାୟ, ପଦ୍ମଜା ପ୍ରିୟଦର୍ଶିନୀ ଜେନା, ଅମୃତା ମିଶ୍ର, ରଶ୍ମିରାଣୀ ବେହେରା, ଭରତ କୁମାର ଲେଙ୍କା, ବିକ୍ରମ ରଞ୍ଜିତ ପଟ୍ଟନାୟକ, ନୀଳମାଧବ ମହାନ୍ତି, ଏସ୍.କେ. ରିହାନ୍ ପ୍ରମୁଖ ସାମିଲ ଥିଲେ ।
