Garvita Odia
ଭୁବନେଶ୍ୱର: ମହିଳା ସଶକ୍ତୀକରଣ ପାଇଁ ରାଜ୍ୟ ସରକାର ସୁଭଦ୍ରା ଯୋଜନା ଆରମ୍ଭ କରିଛନ୍ତି । ତେବେ ଏହି ଯୋଜନାରେ ପୁରୁଷ ବି ଆବେଦନ କରିବା ଭଳି ତଥ୍ୟ ସାମନାକୁ ଆସିଛି । ସୁଭଦ୍ରାରେ ୧୫୭ଜଣ ପୁରୁଷ ଆବେଦନ କରିଛନ୍ତି । ଉପମୁଖ୍ୟମନ୍ତ୍ରୀ ପ୍ରଭାତି ପରିଡ଼ା ଏହି ସୂଚନା ଦେଇଛନ୍ତି । ତେବେ ଆବେଦନ କରିଥିବା ସମ୍ପୃକ୍ତ ୧୫୭ଜଣ ପୁରୁଷଙ୍କୁ ବାଦ ଦିଆଯାଇଛି । ଆଧାର କାର୍ଡର ବ୍ୟାଙ୍କ ଲିଙ୍କ ଡାଟା ଆସିବା ପରେ ପୁରୁଷଙ୍କ ଆବେଦନ ସମ୍ପର୍କରେ ଜଣାପଡ଼ିଥିଲା । ଭୁଲବଶତଃ ସେମାନେ ଆବେଦନ କରିଥିବେ, ଜଣାପଡ଼ିବା ପରେ ସେମାନଙ୍କୁ ବାଦ ଦିଆଯାଇଛି ବୋଲି ଶ୍ରୀମତୀ ପରିଡ଼ା କହିଛନ୍ତି ।
ଅନ୍ୟପକ୍ଷରେ ରାଜ୍ୟ ବାହାରେ ଥିଲେ ବି ସୁଭଦ୍ରା ପାଇପାରିବେ, ଆବେଦନ କରନ୍ତୁ। ଗଞ୍ଜାମ , ଦେବଗଡ ଏବଂ ପଶ୍ଚିମ ଓଡିଶାର ବହୁ ମହିଳା ରାଜ୍ୟ ବାହାରେ ଅଛନ୍ତି। ପ୍ରବାସୀ ମହିଳା ମାନେ କିପରି ସୁଭଦ୍ରା ଟଙ୍କା ପାଇବେ , ସେ ନେଇ ସରକାର ଚେଷ୍ଟା କରୁଥିବା କହିଛନ୍ତି ଉପମୁଖ୍ୟମନ୍ତ୍ରୀ ।
