Garvita Odia
ପଦ୍ମପୁର: ଶୋଇଥିବା ବେଳେ ଧାରୁଆ ଅସ୍ତ୍ରରେ ସ୍ତ୍ରୀର ତଣ୍ଟିକାଟି ହତ୍ୟା କଲା ନୃସଂଶ ସ୍ୱାମୀ । ମୃତ ମହିଳା ଜଣକ ଚନ୍ଦ୍ରକାନ୍ତି ସାହୁ ଏବଂ ହତ୍ୟାକାରୀ ସ୍ୱାମୀ ରାମ ସାହୁ ବୋଲି ଜଣାପଡ଼ିଛି । ହତ୍ୟା କରିବା ପରେ ଘରେ ତାଲା ଦେଇ ସ୍ୱାମୀ କେଉଁଆଡେ ପଳାଇଥିବା ବେଳେ ଏହି ହତ୍ୟାତାଣ୍ଡର କାରଣ ଅସ୍ପଷ୍ଟ ରହିଛି । ବରଗଡ଼ ଜିଲ୍ଲା ଗାଇସିଲେଟ ଥାନା ଜେନକେଡା ଗ୍ରାମର କଲୋନୀ ପଡାରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ରାତିରେ ଦୁଇ ଜଣ ଶୋଇଥିବା ସମୟରେ ସ୍ବାମୀ ଏହି ଜଘନ୍ୟ କାଣ୍ଡ କରିଛି । ସ୍ତ୍ରୀ ଚନ୍ଦ୍ରକାନ୍ତି ସାହୁ ଶୋଇଥିବା ବେଳେ ଧାରୁଆ ଅସ୍ତ୍ରରେ ଗଳାକାଟି ହତ୍ୟା କଲା ସ୍ବାମୀ ରାମ ସାହୁ । ପରେ ଘରେ ତାଲା ଦେଇ କେଉଁଆଡ଼େ ଚାଲିଯାଇଛି ସ୍ୱାମୀ । ଏହି ଘଟଣା ସମ୍ପର୍କରେ ତାଙ୍କ ପଡ଼ୋଶୀ ପୋଲିସକୁ ଖବର ଦେଇଥିଲେ । ପଡ଼ୋଶୀଙ୍କ ଠାରୁ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚିଛି । ଘରୁ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଚଳାଇଛି ପୋଲିସ । ତେବେ ମୃତଦେହକୁ ଦେଖି ଜଣାପଡୁଛି ଯେ, ଦୁଇ ଦିନ ପୂର୍ବରୁ ଏହି ହତ୍ୟାକାଣ୍ଡ ହୋଇଛି ।
