Garvita Odia
ଦେବଗଡ଼:ପୌରାଞ୍ଚଳର ୱାର୍ଡ ନମ୍ବର-୧ର ବାସିନ୍ଦା ତଥା ଅବସରପ୍ରାପ୍ତ ସେନା କର୍ମଚାରୀ ଗୋକୁଳ ଚନ୍ଦ୍ର ଦାସ(୬୯)ଙ୍କ ହୃଦଘାତରେ ପରଲୋକ ହୋଇଯାଇଛି। ମୃତ୍ୟୁ ଶଯ୍ୟା ନିକଟରେ ସ୍ବର୍ଗତ ଦାସଙ୍କ ମା,ସ୍ତ୍ରୀ,ପୁଅ,ଝିଅ,ଚାରିଭାଇ,ବୋହୁ,ପୁତୁରା,ଝିଆରୀ ତଥା ପରିବାର ବର୍ଗ ଉପସ୍ଥିତ ଥିଲେ। ସ୍ବର୍ଗତ ଦାସ ୨୧.୧.୧୯୫୮ରେ ଜନ୍ମ ଗ୍ରହଣ କରିଥିଲେ। ସେ ୧୦.୮.୧୯୭୮ରେ ଭାରତୀୟ ସେନାରେ ଯୋଗ ଦେବା ସହ ୧.୩.୧୯୮୫ରେ ଅବସର ନେଇଥିଲେ।ପରେ ରାଜ୍ୟ ସରକାରଙ୍କ ପଞ୍ଚାୟତରାଜ ବିଭାଗରେ ଯୋଗ ଦେଇ ଜିଲ୍ଲାର ବିଭିନ୍ନ ପଞ୍ଚାୟତରେ ପିଇଓ ଭାବେ କାର୍ଯ୍ୟ କରି ଅବସର ନେଇଥିଲେ। ସ୍ବର୍ଗତ ଦାସ ଜଣେ ଭଲ ମେଳାପୀ, ମିଷ୍ଠବାସୀ ଓ ପରୋପକାରୀ ବ୍ୟକ୍ତି ଥିଲେ। ତାଙ୍କ ବିୟୋଗ ଖବରପାଇ ସହରର ଅନେକ ମାନ୍ୟଗଣ୍ୟ ବ୍ୟକ୍ତି,ବୁଦ୍ଧିଜୀବୀ ତାଙ୍କର ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ। ଦେବଗଡ ଥାନା ଆଇଆଇସି ସବ୍ୟସାଚୀ ଶତପଥି, ଜିଲ୍ଲା ଅବସରପ୍ରାପ୍ତ ସେନା କର୍ମଚାରୀ ସଂଘର ସଭାପତି ବିଷ୍ଣୁ ପ୍ରସାଦ ସାହୁ ପହଞ୍ଚି ସ୍ବର୍ଗତ ଦାସଙ୍କୁ ଜାତୀୟ ପତାକା ଦେଇ ଶେଷ ସମ୍ମାନ ଜଣାଇବା ସହ ବିଭିନ୍ନ ନାରା ଦେଇଥିଲେ। ପ୍ରଧାନପାଟସ୍ଥିତ ସ୍ବର୍ଗଦ୍ବାରରେ ତାଙ୍କର ଶେଷ କୃତ୍ୟ ସଂପନ୍ନ କରାଯାଇଥିଲା। ତାଙ୍କର ଏକମାତ୍ର ପୁଅ ଜୁଏଲ ମୁଖାଗ୍ନି ଦେଇଥିଲେ।
