ଏନ୍‌କାଉଣ୍ଟର: ଦୁଇ ଡକାୟତଙ୍କ ମୃତ୍ୟୁ

ମଥୁରା: ଉତ୍ତରପ୍ରଦେଶର ମଥୁରା ଜିଲ୍ଲା ସୁରିର ତାନ୍ତିଗାଁରେ ଡକାୟତିରେ ଜଡିତ ଦୁଇ ଡକାୟତଙ୍କୁ ପୁଲିସ ଗୁରୁବାର ସକାଳେ ଏନକାଉଣ୍ଟର କରିଛି। ପୁଲିସ ଗୁଳିରେ ଆହତ ଉଭୟ ଡକାୟତଙ୍କୁ ଜିଲ୍ଲା ହସ୍ପିଟାଲକୁ ନିଆଯାଇଥିଲା, ଯେଉଁଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ୧୭ଟି ପୁଲିସ ଦଳ ଅପରାଧୀଙ୍କୁ ଖୋଜିବାରେ ନିୟୋଜିତ ଥିଲେ। ୨୩ ଏପ୍ରିଲ ରାତିରେ ମୁଖାପିନ୍ଧା ଅପରାଧୀମାନେ ସୁରିର ତାନ୍ତିଗାଁରେ ବ୍ୟବସାୟୀ ଅଜୟ ଅଗ୍ରୱାଲଙ୍କ ଘରେ ପ୍ରବେଶ କରି ତାଙ୍କୁ ଏବଂ ତାଙ୍କ ପରିବାରକୁ ବନ୍ଧକ ରଖି ୩.୨୨ ଲକ୍ଷ ଟଙ୍କା ଏବଂ ପ୍ରାୟ ୧୨ ଲକ୍ଷ ଟଙ୍କା ମୂଲ୍ୟର ଅଳଙ୍କାର ଲୁଟି ନେଇଥିଲେ।