Garvita Odia
ଦେବଗଡ଼:କମ୍ ଦରରେ ହୋଇଥିବା କାର୍ଯ୍ୟର ସ୍ୱଚ୍ଛତା ଦାବି କରିଛି ଦେବଗଡ଼ ଡିଷ୍ଟ୍ରିକ୍ଟ କଣ୍ଟ୍ରାକ୍ଟର୍ସ ୟୁନିଅନ୍ (ଡିଡିସିୟୁ)। ଏନେଇ ଆଜି ସଂଘର ସଭାପତି ଇଂ ସୁଜିତ କୁମାର ପ୍ରଧାନଙ୍କ ନେତୃତ୍ୱରେ ଆଜି ବରିଷ୍ଠ ଓ ଯୁବ ସ୍ଥାନୀୟ ଠିକାଦାରମାନଙ୍କ ଉପସ୍ଥିତିରେ ଦେବଗଡ଼ ରାସ୍ତା ଓ ଗୃହ ବିଭାଜନର ଅଧିକ୍ଷଣ ଯନ୍ତ୍ରୀଙ୍କୁ ଏକ ଦାବି ପତ୍ର ପ୍ରଦାନ କରାଯାଇଛି।ଦେବଗଡ଼ ଜ଼ିଲ୍ଲା ରିଆମାଳ ଅଞ୍ଚଳରେ ଦୁଇଟି ନିର୍ଦ୍ଦିଷ୍ଟ ସରକାରୀ ପ୍ରକଳ୍ପ ପାଇଁ ମେସର୍ସ ସୁବ୍ରତ ପଣ୍ଡା ନିର୍ଦ୍ଧାରିତ ମୂଲ୍ୟ ରୁ ୨୪%ରୁ ରୁ ୨୬ % ଲେସ କରି ଏଲ ୱାନ ବିଡର୍ ଭାବେ ମନୋନୀତ ହୋଇଥିବା ବେଳେ ସଂଘ ପକ୍ଷରୁ ଉକ୍ତ କାର୍ଯ୍ୟଗୁଡ଼ିକର ମଞ୍ଜୁରୀପ୍ରାପ୍ତ ପ୍ରଶାସନିକ ଅନୁମୋଦନ, ଆକଳନ, ଚୁକ୍ତିନାମା ଏବଂ ଅନୁମୋଦିତ କାର୍ଯ୍ୟସୂଚୀର ନକଲ ପ୍ରଦାନ କରିବାକୁ ବିଭାଗ ନିକଟରେ ଦାବି କରାଯାଇଛି।ସଂଘ ପକ୍ଷରୁ ଏହି ସମସ୍ତ ଦସ୍ତାବିଜ ୭ ଦିନ ମଧ୍ୟରେ ପ୍ରଦାନ କରିବାକୁ ଅନୁରୋଧ କରାଯାଇଛି।ଏହା ସହିତ ଦସ୍ତାବିଜ ସମୀକ୍ଷା ପରେ କାର୍ଯ୍ୟର ପ୍ରକୃତ ସମ୍ପାଦନ ଏବଂ ଗୁଣବତ୍ତାର ନିରପେକ୍ଷ ତଦାରଖ ପାଇଁ ସଂଘ ପକ୍ଷରୁ ସ୍ଥାନୀୟ ସ୍ତରରେ ଯାଞ୍ଚ ଏବଂ ଆଇନଗତ ଅନୁମତି ଅନୁଯାୟୀ ସିସିଟିଭି କ୍ୟାମେରା ସ୍ଥାପନ ପାଇଁ ଅନୁମତି ମଗାଯିବ ଦାବି କରାଯାଇଛି।
