କିଏ ହେବ ମହାରାଷ୍ଟ୍ର ମୁଖ୍ୟମନ୍ତ୍ରୀ:ଆଜି ହୋଇପାରେ ସ୍ପଷ୍ଟ

ନୂଆଦିଲ୍ଲୀ: କିଏ ହେବ ମହାରାଷ୍ଟ୍ର ମୁଖ୍ୟମନ୍ତ୍ରୀ ? ଏହି ସସପେନସ ଉପରୁ ଆଜି ହଟିପାରେ ପରଦା। ଆଜି ସ୍ପଷ୍ଟ ହୋଇପାରେ ଯେ, କିଏ ମହାରାଷ୍ଟ୍ର ମୁଖ୍ୟମନ୍ତ୍ରୀ ଆସନରେ ବସିବ ଆଉ କାହାକୁ ମିଳିବ ଗୁରୁ ଦାୟିତ୍ୱ।

ସିଏମ୍ ପଦବୀକୁ ନେଇ ଛକାପଞ୍ଝା ଭିତରେ ଗତକାଲି ମୁମ୍ବାଇ ଫେରିଛନ୍ତି ମହାରାଷ୍ଟ୍ରର କାମଚଳା ମୁଖ୍ୟମନ୍ତ୍ରୀ ଏକନାଥ ସିନ୍ଦେ। ସେ କହିଛନ୍ତି, ଆଜି ମୁଖ୍ୟମନ୍ତ୍ରୀଙ୍କ ନାଁ ଘୋଷଣା ହେବ। ମହାରାଷ୍ଟ୍ରର ବିକାଶ ପାଇଁ ସେ ପ୍ରତିଶ୍ରୁତିବଦ୍ଧ ଏବଂ ପ୍ରଧାନମନ୍ତ୍ରୀ ମୋଦି, ଗୃହମନ୍ତ୍ରୀ ଶାହ ଓ ବିଜେପି ରାଷ୍ଟ୍ରୀୟ ସଭାପତି ନଡ୍ଡାଙ୍କ ନିଷ୍ପତ୍ତି ଉପରେ ତାଙ୍କର ନିଃସର୍ତ୍ତ ସମର୍ଥନ ରହିଥିବା କହିଛନ୍ତି ସିନ୍ଦେ।ସେପଟେ ପୂର୍ବରୁ ସୂଚନା ମିଳିଥିଲା ଯେ, ଆଜି ବିଧାୟକ ଦଳ ବୈଠକ ବସି ନେତା ଚୟନ ହେବ। ଡିସେମ୍ବର ୫ରେ ମୁମ୍ବାଇ ଆଜାଦ ମୈଦାନରେ ନୂଆ ସରକାର ଶପଥ ଗ୍ରହଣ କରିବେ। ନିର୍ବାଚନ ଫଳ ଘୋଷଣାକୁ ସପ୍ତାହେ ବିତି ଥିଲେ ବି ମହାୟୁତିର କିଏ ମୁଖ୍ୟମନ୍ତ୍ରୀ ହେବେ ତାହା ଏଯାଏଁ ସ୍ପଷ୍ଟ ହୋଇନି।