Garvita Odiaନୂଆଦିଲ୍ଲୀ ତା 11 l 10: ଆଜି ଅନୁଷ୍ଠିତ ମହାନଦୀ ଟ୍ରିବ୍ୟୁନାଲ୍ ଶୁଣାଣି ସମୟରେ ମହାନଦୀ ବଞ୍ଚାଓ ଆନ୍ଦୋଳନ ର କର୍ମୀ ମାନଙ୍କୁ କୋର୍ଟ ହଲ ରେ ରହିବାକୁ ବାରଣ କରିବା ଓ ସେଠାରୁ ବାହାର କରିଦେବାକୁ ଆନ୍ଦୋଳନ ର କର୍ମକର୍ତା ମାନେ ଦୃଢ ପ୍ରତିବାଦ କରିଛନ୍ତି l ଆଜି ପୂର୍ବାହ୍ନରେ ଟ୍ରିବୁନାଲ ର ଶୁଣାଣି ଆରମ୍ଭ ପୂର୍ବରୁ ମହାନଦୀ ବଞ୍ଚାଅ ଆନ୍ଦୋଳନ ର ଆବାହକ ସୁଦର୍ଶନ ଦାସ, ସହ ଆବାହକ ବାସୁଦେବ ଭଟ୍ଟ, ମନୋଜ ଜେନା, ପ୍ରବକ୍ତା ପ୍ରସନ୍ନ ବିଷୋୟୀ, ସଂଯୋଜକ ବିଜୟ ପ୍ରଧାନ, ସଚିକାନ୍ତ ପ୍ରଧାନ, ଶରତ ନାୟକ, ଅନାଦି ସାହୁ, ଟଙ୍କଧର ଦାସ ପ୍ରମୁଖ ସଦସ୍ୟ ମାନେ କୋର୍ଟ ରୁମ ରେ ଉପସ୍ଥିତ ହୋଇ ଥିଲେ l ଉଦ୍ୟେଶ ଥିଲା ଓଡିଶା ଓ ଛାତିଶଗଡ଼ ସରକାର ଆପୋଷ ଆଲୋଚନା ମାଧ୍ୟମରେ ସମାଧାନ ପାଇଁ ଆଗଭର ହେଉଥିବା ବେଳେ ଟ୍ରିବୁନାଲ ର ଆଭିମୁଖ୍ୟ କଣ ରହିଛି ତାହା ଜାଣିବା l
ମାତ୍ର ଟ୍ରିବୁନାଲ ର ପ୍ରବନ୍ଧକ ଶ୍ରୀ ଚନ୍ଦନ ମୁଖାର୍ଜୀ ଆନ୍ଦୋଳନ ର କର୍ମୀ ମାନଙ୍କୁ ସେଠାରୁ ବାହାରି ଯିବାକୁ କହିଲେ l କିଛି ସମୟ ପାଇଁ ପ୍ରବନ୍ଧକ ଓ ଆନ୍ଦୋଳନ ର କର୍ମୀ ଙ୍କ ଭିତରେ ବଚଶା ହେଲା ଓ ପରେ ଆନ୍ଦୋଳନ ର କର୍ମୀ ସେଠାରୁ ବାହାରି ଆସି ଲବି ରେ ଅପେକ୍ଷା ଜଲେ l ସେହି ସମୟରେ ଓଡ଼ିଶାର ଆଡ଼ଭୋକେଟ ଜେନେରାଲ ଓ ଜଳ ସମ୍ପଦ ବିଭାଗର ପ୍ରମୁଖ ଶାସନ ସଚିବ ସେଠାରେ ପହଁଚିଲେ l ଆଡ଼ଭୋକେଟ ଜେନେରାଲ ଘଟଣା ନବୁଝି ବା ଆନ୍ଦୋଳନ ର କର୍ମୀ ମାନଙ୍କ କଥା ନଶୁଣି ସେମାନଙ୍କ ଉଦ୍ୟେଶରେ କିଛି ଅରୁଚିକର ମନ୍ତବ୍ୟ ଦେଇଥିଲେ ଯାହାକୁ ନେଇ ମଧ୍ୟ କିଛି ସମୟ ପାଇଁ ସେଠାରେ ଉତ୍ତେଜନା ଦେଖା ଦେଇଥିଲେ l କଥା ଏହି ସ୍ତର କୁ ଗଲା ଯେ ଆଡ଼ଭୋକେଟ ଜେନେରାଲ ଜନୈକ ଆନ୍ଦୋଳନ ର କର୍ମୀଙ୍କୁ ଏନ ଏସ ଏ ରେ ଭିତରେ ଭର୍ତ୍ତି କରିଦେବେ ବୋଲି ଧମକ ଦେଲେ l
ଭାରତୀୟ ସମ୍ବିଧାନର ଅନୁଚ୍ଛେଦ 19(1)(a), ଯାହା ସୂଚନା ପାଇବାର ଅଧିକାର ସମେତ ବାକ୍ ଏବଂ ଅଭିବ୍ୟକ୍ତିର ସ୍ୱାଧୀନତାକୁ ସୁନିଶ୍ଚିତ କରେ, ଏବଂ ଅନୁଚ୍ଛେଦ 21, ଯାହା ଏକ ନିରପେକ୍ଷ ଏବଂ ସ୍ୱଚ୍ଛ ନ୍ୟାୟିକ ପ୍ରକ୍ରିୟାର ଅଧିକାରକୁ ସଂରକ୍ଷିତ କରେ। କୋର୍ଟ ପରିଷର ରୁ ମହାନଦୀ କର୍ମୀ ମାନଙ୍କୁ ଆଜି ଏଥିରୁ ବଞ୍ଚିତ କରାଯାଇଛି ଯାହା ସମ୍ବିଧାନ ବିରୋଧୀ ବୋଲି ସଂଗଠନ କହିଛି l ଏ ସଂକ୍ରାନ୍ତରେ ମାନ୍ୟବର ଟ୍ରିବୁନାଲ ର ଅଧ୍ୟକ୍ଷା ଙ୍କ ଦୃଷ୍ଟି ଆକର୍ଷଣ କରି ଆଜି ଆନ୍ଦୋଳନ ପକ୍ଷରୁ ଏକ ଅଭିଯୋଗ ଦାଖଲ ଜରା ଯାଇଛି l
ପ୍ରକାଶ ଥାଉକି ଆସନ୍ତା 13 ତାରିଖ ଦିନ ଦିଲ୍ଲୀ ସମ୍ବିଧାନ କ୍ଲବରେ ମହାନଦୀ ସମସ୍ୟା ର ଆପୋଷ ସମାଧାନ ସଂକ୍ରାନ୍ତରେ ମହାନଦୀ ବଞ୍ଚାଅ ଆନ୍ଦୋଳନ ତରଫରୁ ଏକ ମହାନଦୀ ସଂସଦ ଆୟୋଜନ କରାଯାଇଛି l ଏଥିରେ ଆପୋଷ ଆଲୋଚନାର ଆଧାର କଣ ହେଵା ଉଚିତ ଏ ସମ୍ପର୍କରେ ବିସ୍ତୃତ ଆଲୋଚନା ହେବ l ମହାନଦୀ ବଞ୍ଚାଅ ଆନ୍ଦୋଳନର ଉପଦେଷ୍ଟା ତଥା ହାଇକୋର୍ଟ ମୁଖ୍ୟ ବିଚାର ପତି ଜଷ୍ଟିସ ଭି ଗୋପାଳ ଗୌଡ଼l, ଜଳପୁରୁଷ ରାଜେନ୍ଦ୍ର ସିଂଙ୍କ ସମେତ ଦେଶର ସମସ୍ତ ନଦୀ ଆନ୍ଦୋଳନର ପୁରୋଧା ମାନେ ଏଥିରେ ଯୋଗଦେବେ l ଏହି ସମ୍ମେଳନର ନିଷ୍କର୍ଷ ସରକାରଙ୍କୁ ପ୍ରଦାନ କରାଯିବ l ଏହି ବୈଠକର ନିର୍ଯାସ ଆଗାମୀ ଦିନରେ ଭାରତ ବର୍ଷର ସବୁ ନଦୀ ଆନ୍ଦୋଳନର ସମାଧାନ ତଥା ନିରାକରଣ କ୍ଷେତ୍ରରେ ଏକ ଉଦାହରଣ ସୃଷ୍ଟି କରିବା ସହିତ ନୂତନ ଦିଶା ଓ଼ ଦିଗ ଦର୍ଶନ ଦେବ l
