Garvita Odia
ପୁରୁଷ ବିଭାଗରେ ମା ସମଲେଶ୍ଵରୀ ଲାୟନ୍ସ ଓ ମହିଳା ବିଭାଗରେ ଦନ୍ତାରୀବାହାଳ ସେରନୀ ଓ କଣ୍ଟଳ ସେରନୀ ଚାମ୍ପିଅନ
ଦେବଗଡ଼:ଦେବଗଡ ଜିଲ୍ଲା ହ୍ୟାଣ୍ଡବଲ ଆସୋସିଏସନ ପକ୍ଷରୁ ବାରକୋଟ ବ୍ଲକ ଦନ୍ତାରିବାହାଳ ଗ୍ରାମରେ ଚାଲିଥିବା‘ଦେବଗଡ଼ ହ୍ୟାଣ୍ଡବଲ ପ୍ରିମିୟର ଲିଗ୍’ ଉଦ୍ଯାପିତ ହୋଇଯାଇଛି। ପୁରୁଷ ବିଭାଗ ଫାଇନାଲ ମ୍ୟାଚ କଣ୍ଢଳ ଷ୍ଟାରସ ଦଳ ସହିତ ମା ସମଲେଶ୍ବରୀ ଲାୟନ୍ସ ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ମ୍ୟାଚରେ ମା ସମଲେଶ୍ଵରୀ ଲାୟନ୍ସ ବିଜୟୀ ହୋଇ ଚାମ୍ପିଅନ ହୋଇଥିଲା। ସେହିପରି ମହିଳା ବିଭାଗ ଫାଇନାଲ ମ୍ୟାଚରେ ଦନ୍ତାରୀବାହାଳ ସେରନୀ ଓ କଣ୍ଟଳ ସେରନୀ ଯୁଗ୍ମ ଚାମ୍ପିଅନ ହୋଇଥିଲା।ମ୍ୟାଚକୁ ମନୋଜ ଜେନା,ମନୋଜ ବେହେରା ପରିଚାଳନା କରିଥିବା ବେଳେ ରିତିକ ଅଧିକାରୀ, ଅଭି ବାରିକ ରେଫରୀ ଥିଲେ। ଜିଲ୍ଲା ଶାରୀରିକ ଶିକ୍ଷା ନୀରିକ୍ଷିକା ପଦ୍ମିନା ମହାପାତ୍ରଙ୍କ ଆବାହକତ୍ୱରେ ଅନୁଷ୍ଠିତ ଉଦଯାପନୀ ତଥା ପୁରସ୍କାର ବିତରଣି କାର୍ଯ୍ୟକ୍ରମରେ ବିଧାୟକ ରୋମାଞ୍ଚ ରଞ୍ଜନ ବିଶ୍ଵାଳ ମୁଖ୍ୟ ଅତିଥି,କେନ୍ଦୁଝର ଜିଲ୍ଲାର ସାମାଜିକକର୍ମୀ ପ୍ରତାପ ମହାନ୍ତି, ରାଜ୍ୟ ହ୍ୟାଣ୍ଡବଲ ଆସୋସିଏସନର ସଭାପତି ବିପ୍ଳବ ଚୌଧୁରୀ, ରାଜ୍ୟ ଉପସଭାପତି ରିତିକ ଅଧିକାରୀ,ରାଜ୍ୟ ସମ୍ପାଦକ ମାନସ ସିଂ,ଦନ୍ତାରିବାହାଲ ସରପଞ୍ଚ ଝୁନୁ ବେହେରା,ସମିତିସଭ୍ୟା ମେଘମାଳା ପାତ୍ର ସମ୍ମାନିତ ଅତିଥି ଭାବେ ଯୋଗଦେଇ ବିଜେତା ଓ ଉପବିଜେତା ଦଳକୁ ପୁରସ୍କୃତ କରିଥିଲେ। ମା ସମଲେଶ୍ଵରୀ ଲାୟନ୍ସ ଦଳର ଅନିକେଶ ସେଠ ପ୍ଲେୟାର ଅଫ ଦି ମ୍ୟାଚ,କଣ୍ଟଳ ସେରନୀ ଦଳର ପ୍ରତ୍ୟୁଷା ପଣ୍ଡା, ଦନ୍ତାରିବାହାଳ ସେରନୀ ଦଳର ତନ୍ମୟ ମୁଣ୍ଡାଙ୍କୁ ପୁରସ୍କୃତ କରାଯାଇଥିଲା।ଶିକ୍ଷକ ଭୋଳେଶ୍ଵର ସାହୁ, ମହେଶ୍ଵର ପ୍ରଧାନ ମଞ୍ଚ ପରିଚାଳନା କରିଥିଲେ।କାର୍ଯ୍ୟକ୍ରମ ପରିଚାଳନାରେ ଆୟୋଜକ କମିଟିର ସଭାପତି ଗୌତମ ଧଳ,ଅବସରପ୍ରାପ୍ତ କ୍ରୀଡ଼ା ଶିକ୍ଷକ ବିନୋଦ ପାତ୍ର,ଦନ୍ତାରିବାହାଳ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଚନ୍ଦ୍ରମଣି ଜାମୁଡ଼ା,ଅବସରପ୍ରାପ୍ତ ପ୍ରଧାନଶିକ୍ଷକ ମୀନକେତନ ବେହେରା,ଅବସରପ୍ରାପ୍ତ ଶିକ୍ଷକ ମୋହନ ଚନ୍ଦ୍ର ବେହେରା, ଦୁର୍ଗାନନ୍ଦ ନାୟକ, ଦନ୍ତାରିବାହାଲ ଉଚ୍ଚ ମାଧ୍ୟମିକ ବିଦ୍ୟାଳୟ ପରିଚାଳନା କମିଟି ସଦସ୍ୟ ଦୈତାରୀ ଚନ୍ଦ୍ର ସାହୁ, ହୃଦାନନ୍ଦ ନାୟକଙ୍କ ସମେତ କମିଟିର ସଦସ୍ୟ ଓ ଗ୍ରାମବାସୀ ପ୍ରତିଯୋଗିତା ପରିଚାଳନାରେ ସହଯୋଗ କରିଥିଲେ।
