ଧର୍ମେନ୍ଦ୍ର ପ୍ରଧାନଙ୍କ ୫୭ତମ ଜନ୍ମଦିନ ଅବସରରେ ସାମୂହିକ ଦୀପଦାନ

ଜଗତସିଂହପୁର: କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ୫୭ତମ ଜନ୍ମଦିନ ଅବସରରେ ଶ୍ରୀ ଶ୍ରୀ ବାବା ଗୋରେଖନାଥ ମନ୍ଦିର ପରିସରରେ ଏକ ସାମୂହିକ ଦୀପଦାନ କାର୍ଯ୍ୟକ୍ରମ ଭକ୍ତି, ଆଧ୍ୟାତ୍ମିକତା ଓ ଉତ୍ସାହର ସହିତ ଅନୁଷ୍ଠିତ ହୋଇଥିଲା।

ଏହି ପବିତ୍ର ଅବସରରେ ଶ୍ରୀ ପ୍ରଧାନଙ୍କ ସୁସ୍ଥ, ଦୀର୍ଘାୟୁ ଓ ଯଶସ୍ୱୀ ଜୀବନ କାମନା କରାଯିବା ସହ ଦେଶ ଏବଂ ଓଡ଼ିଶାର ସର୍ବାଙ୍ଗୀଣ ବିକାଶ ପାଇଁ ତାଙ୍କ ନେତୃତ୍ୱ ଆହୁରି ସୁଦୃଢ଼ ହେଉ ବୋଲି ଶ୍ରୀ ଶ୍ରୀ ବାବା ଗୋରେଖନାଥଙ୍କ ନିକଟରେ ସାମୂହିକ ପ୍ରାର୍ଥନା କରାଯାଇଥିଲା।

ଉକ୍ତ କାର୍ଯ୍ୟକ୍ରମରେ ଯୁବନେତା ବଳରାମ ଦଳାଇ, ମଣ୍ଡଳ ଉପସଭାପତି ସଞ୍ଜୟ ଖୁଣ୍ଟିଆ, ମଣ୍ଡଳ ଯୁବମୋର୍ଚ୍ଚା ସଭାପତି ସ୍ମୃତି ରଞ୍ଜନ ବେହେରା, ବରିଷ୍ଠ ବିଜେପି ନେତା ସତ୍ୟବ୍ରତ ତ୍ରିପାଠୀ, ଦୀପ୍ତି ରଞ୍ଜନ ମହାପାତ୍ର କେଦାରନାଥ ବିଶ୍ୱାଳ, ଦେବେନ୍ଦ୍ର ସାହୁ, ଅସିତ ମହାରଣା, ନାରୀ ନେତ୍ରୀ ଲିପିକା ମଲ୍ଲିକ, ଯୁବନେତା ସୁଶୀଲ ଖଟୁଆ, ଡବୁଲଙ୍କ ସମେତ ବହୁ କର୍ମୀ ଓ ଶୁଭେଚ୍ଛୁ ଯୋଗଦାନ କରିଥିଲେ।

କାର୍ଯ୍ୟକ୍ରମ ଶେଷରେ ସମସ୍ତେ ଧର୍ମେନ୍ଦ୍ର ପ୍ରଧାନଙ୍କ ଦୀର୍ଘ, ସୁସ୍ଥ ଓ ସଫଳ ଜନସେବାମୟ ଜୀବନ କାମନା କରିବା ସହ ବାବା ଗୋରେଖନାଥଙ୍କ ଆଶୀର୍ବାଦ ସଦାସର୍ବଦା ତାଙ୍କ ଉପରେ ରହୁ ବୋଲି ପ୍ରାର୍ଥନା କରିଥିଲେ।