ପଶ୍ଚିମବଙ୍ଗର ବଡ଼ ଅପଡେଟ : ମମତା ଆଗରେ

ଗର୍ବିତ ଓଡ଼ିଆ : ପଶ୍ଚିମବଙ୍ଗର ଭବାନୀପୁର ଆସନ ଉପରେ ଏବେ ସମସ୍ତଙ୍କ ନଜର ରହିଛି । ସେଠାରେ ମମତା ବାନାର୍ଜୀ ଓ ଶୁଭେନ୍ଦୁ ଅଧିକାରୀଙ୍କ ମଧ୍ୟରେ ଦମଦାର ଲଢେ଼ଇ ହେଉଛି । ଗତଥର ଶୁଭେନ୍ଦୁଙ୍କ ଗଡ଼ ନନ୍ଦୀଗ୍ରାମରେ ମମତା ଲଢେ଼ଇ କରି ହାରିଥିବାବେଳେ ଏଥର ମମତାଙ୍କୁ ହରାଇବା ପାଇଁ ଶୁଭେନ୍ଦୁ ମମତାଙ୍କ ଗଡ଼ ଭବାନୀପୁରକୁ ଆସିଛନ୍ତି । ଏଯାବତ୍‌ ୨ ରାଉଣ୍ଡ ଗଣତି ସରିଥିବାବେଳେ ମମତା ବାନାର୍ଜୀ ୨ ହଜାର ଭୋଟରେ ଆଗୁଆ ରହିଛନ୍ତି । ମମତାଙ୍କୁ ୩୬୬୬ ଭୋଟ୍‌ ମିଳିଥିବାବେଳେ ଶୁଭେନ୍ଦୁଙ୍କୁ ୧୬୭୦ ଭୋଟ୍‌ ମିଳିଛି । ତେବେ ପ୍ରାରମ୍ଭରେ ମୁସଲିମ୍‌ ବହୁଳ ଅଞ୍ଚଳ ଗଣତି ହେଉଛି । ୧୦ ରାଉଣ୍ଡ ପରେ ସେ ଆଗୁଆ ରହିବେ ବୋଲି ଶୁଭେନ୍ଦୁ ଆକଳନ କରିଛନ୍ତି । ଅପରପକ୍ଷରେ ମମତା ବାନାର୍ଜୀଙ୍କ ଟିଏମସି ପଛରେ ପଡ଼ି ଯାଇଥିବାବେଳେ ବିଜେପି ସରକାର ଗଢ଼ିବାର ସମ୍ଭାବନା ସୃଷ୍ଟିକରିଛି ।