Garvita Odia
ଭୁବନେଶ୍ୱର:ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡିଲେ ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ କାର୍ୟ୍ୟାଳୟର ଅଡିଟର । ଏମଏସିପି ଯୋଜନା ଅଧୀନରେ ଜଣେ କର୍ମଚାରୀଙ୍କ ଦରମାର ଆବଶ୍ୟକୀୟ ସଂଶୋଧନ ପାଇଁ ୪ ହଜାର ଟଙ୍କା ଲାଞ୍ଚ ନେଉଥିଲେ। ଅଡିଟର ଜଣକ ହେଲେ ଅମ୍ବିକା ପ୍ରସାଦ ରଥ। ତାଙ୍କ ଡ୍ରୟରରୁ ଏକ ଲକ୍ଷ ୨୯ ହଜାର ଟଙ୍କା ଭିଜିଲାନ୍ସ ଟିମ୍ ଜବତ କରିଛି।
ଭୁବନେଶ୍ୱରର ଆଞ୍ଚଳିକ ଶିକ୍ଷା ନିର୍ଦ୍ଦେଶକଙ୍କ କାର୍ୟ୍ୟାଳୟର ଅଡିଟର ଅମ୍ବିକା ପ୍ରସାଦ ରଥ ଖୋର୍ଦ୍ଧା ଜିଲ୍ଲାର ଏକ ଡିଗ୍ରୀ କଲେଜର ଜଣେ କର୍ମଚାରୀଙ୍କଠାରୁ ଏମଏସପି ଯୋଜନା ଅଧୀନରେ ଦରମାର ଆବଶ୍ୟକୀୟ ସଂଶୋଧନ ଏବଂ ଦରମାକୁ ସକ୍ଷମ କରିବା ପାଇଁ ୪,୦୦୦ ଟଙ୍କା ଲାଞ୍ଚ ଦାବି କରିଥିଲେ। ଏ ନେଇ କଲେଜର କର୍ମଚାରୀ ଜଣକ ଭିଜିଲାନ୍ସ କର୍ତ୍ତୃପକ୍ଷଙ୍କୁ ଖବର ଦେଇଥିଲେ। କଲେଜ କର୍ମଚାରୀଙ୍କ ଠାରୁ ଅମ୍ବିକା ୪ ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ଟିମ୍ ଚଢାଉ କରି ଟଙ୍କା ଜବତ କରିଛି। ଏହା ପରେ ତାଙ୍କ କାର୍ୟ୍ୟାଳୟ ଏବଂ ବାସଭବନରେ ଏକକାଳୀନ ଭିଜିଲାନ୍ସ ଟିମ୍ ଯାଞ୍ଚ କରିଥିଲା। ତାଙ୍କ କାର୍ୟ୍ୟାଳୟ ଡ୍ରୟରରୁ ଆହୁରି ୧,୨୮,୦୦୦ ଟଙ୍କା ଭିଜିଲାନ୍ସ ଜବତ କରିଥିଲା। ଏହା ପୂର୍ବରୁ ସଂଗୃହୀତ ଲାଞ୍ଚ ବୋଲି ସନ୍ଦେହ କରାଯାଉଛି।
