Garvita Odia
କଟକ: ହୀତାଧିକାରୀଙ୍କୁ ଭତ୍ତା ଟଙ୍କା ଦେବାକୁ ଆଣୁଥିଲେ ସରପଞ୍ଚ, ସ୍କୁଟର ଡିକି ଭାଙ୍ଗି ସବୁ ଲୁଟିନେଲେ ଦୁର୍ବୃତ୍ତ। କଟକ ଜିଲ୍ଲା ସାଲେପୁର କୋଲଣପୁର ଗ୍ରାମ ପଞ୍ଚାୟତ କାର୍ୟ୍ୟଳୟ ପରିସରରୁ ହୋଇଛି ଚୋରି। ଗାଡି ଡିକି ଭାଙ୍ଗି ୪ ଲକ୍ଷ ୭୦ ହଜାର ଟଙ୍କା ଲୁଟି ନେଲେ ଦୁର୍ବୃତ୍ତ।
ସୂଚନା ଅନୁସାରେ, ସରପଞ୍ଚ ଗୋପବନ୍ଧୁ ସେଠୀ ବ୍ୟାଙ୍କରୁ ଭତ୍ତା ଟଙ୍କା ଉଠାଇ ଆଣିଥିଲେ। ତେବେ ଅଫିସ ବାହାରେ ଗାଡି ରଖି ଭିତରକୁ ପାଣି ପିଇବା ପାଇଁ ଯିବା ଭିତରେ ହଠାତ ୩ ଜଣ ଦୁର୍ବୃତ୍ତ ହେଲେମେଣ୍ଟ ଦେଇ ପଲସରରେ ଆସିଥିଲେ।
ଦୁଇଜଣ ପଂଚୟତ କାର୍ୟ୍ୟଳୟ ବାହାରେ ରହିଥିବା ତାଙ୍କ ସ୍କୁଟି ଡିକିଭାଙ୍ଗି ଟଙ୍କା ନେଇ ଚମ୍ପଟ ମାରିଥିବା ସରପଞ୍ଚ ଅଭିଯୋଗ କରିଛନ୍ତି। ଏ ସମସ୍ତ ଘଟଣା ସେଠାରେ ଲାଗିଥିବା ସିସି ଟିଭିରେ ମଧ୍ୟ କଏଦ ହୋଇଛି। ଏନେଇ ସାଲେପୁର ପୋଲିସ ସିସିଟିଭି ଯାଞ୍ଚ କରି ତଦନ୍ତ ଆରମ୍ଭ କରିଛି।
