ସିଟି ଡିଏସପିଙ୍କ ଚଢ଼ାଉ, ୪ କୋଇଲା ଗାଡି ଜବତ

ଭଦ୍ରକ : ଭଦ୍ରକରେ କୋଇଲା ଚୋରା ଚାଲାଣ ଚାଲିଥିବା ବେଳେ ସିଟି ଡିଏସପିଙ୍କ ଚଢ଼ାଉ। ରାହାଞ୍ଜରୁ ଯାଜପୁର ଚାଲାଣ ହଉଥିବା ବେଳେ ୪ଟି କୋଇଲା ବୋଝେଇ ଗାଡି ଜବତ। ଦୁଇଟି ୧୬ ଚକିଆ ଟ୍ରକ୍ ଓ ଦୁଇଟି ପିକଅପ ଭ୍ୟାନ୍ ଚରମ୍ପା ନିକଟରୁ ଜବତ କଲା ପୋଲିସ।
ସୂଚନାଯାୟୀ, ରାହାଞ୍ଜରୁ ଯାଜପୁର କୋଇଲା ଚୋରା ଚାଲାଣ ହେଉଥିବା ନେଇ ବିଶେଷ ସୂତ୍ରରୁ ଖବର ପାଇ ଭଦ୍ରକ ସିଟି ଡିଏସପି ସମ୍ବିତ ମାଝୀ ଶ୍ରମିକ ବେଶରେ ଯାଇ ଚଢାଉ କରିଥିଲେ। ଚରମ୍ପା ନିକଟରୁ ଦୁଇଟି କୋଇଲା ବୋଝେଇ ୧୬ ଚକିଆ ଟ୍ରକ୍ ଓ ଦୁଇଟି ପିକଅପ ଭ୍ୟାନ୍ ଜବତ କରିଥିଲେ। ଘଟଣାସ୍ଥଳରୁ କୋଇଲା ମାଫିଆମାନେ ଫେରାର ହୋଇଯାଇଥିଲେ।