ସିଡନୀ ଟେଷ୍ଟ: ଅଷ୍ଟ୍ରେଲିଆ ୧୮୧ରେ ଅଲଆଉଟ୍‌

ନୂଆଦିଲ୍ଲୀ: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ସିଡନୀରେ ଚାଲିଥିବା ଅନ୍ତିମ ଟେଷ୍ଟ ମ୍ୟାଚ ରୋମାଞ୍ଚକର ସ୍ଥିତି ଆଡକୁ ଅଗ୍ରସର ହେଉଛି। ବୋଲରଙ୍କୁ ସୁହାଉଥିବା ଏହି ପଡ଼ିଆରେ ଘରୋଇ ଅଷ୍ଟ୍ରେଲିଆ ଦଳ ବି ଭାରତୀୟ ବୋଲରଙ୍କୁ ସାମ୍ନା କରିବାରେ ବିଫଳ ହୋଇଛି। ୨ୟ ଦିନରେ ଅଷ୍ଟ୍ରେଲିଆ ଏହାର ପ୍ରଥମ ପାଳିରେ ୧୮୧ ରନ କରି ଅଲଆଉଟ ହୋଇଯାଇଛି। ଫଳରେ ଭାରତ ଏହାର ୨ୟ ପାଳି ବ୍ୟାଟିଂ ଆରମ୍ଭ କରି ବିନା କୌଣସି ଉଇକେଟ ହରାଇ ୩୪ ରନ ସଂଗ୍ରହ କରିଛି।
ଅନ୍ତିମ ଟେଷ୍ଟରେ ଭାରତ ପ୍ରଥମେ ବ୍ୟାଟିଂ କରି ୧୮୫ ରନରେ ଅଲଆଉଟ ହୋଇଯାଇଥିଲା। କୌଣସି ବ୍ୟାଟ୍ସମ୍ୟାନ ଭଲ ପ୍ରଦର୍ଶନ କରି ନ ଥିଲେ। ରୁଷଭ ପନ୍ତ ସର୍ବାଧିକ ୪୦ ରନ କରିଥିବାବେଳେ ଅଷ୍ଟ୍ରେଲିଆ ପକ୍ଷରୁ ସ୍କଟ ବଲାଣ୍ଡ ସର୍ବାଧିକ ୪ ଉଇକେଟ ନେଇଥିବାବେଳେ ମିଚେଲ ଷ୍ଟାର୍କ ୩ଟି ଉଇକେଟ ଅକ୍ତିଆର କରିଥିଲେ। ଜବାବରେ ଅଷ୍ଟ୍ରେଲିଆ ୧୮୧ ରନ କରିବାରେ ସମର୍ଥ ହୋଇଥିଲେ। ବ୍ୟୁ ୱେବଷ୍ଟର ସର୍ବାଧିକ ୫୭ ରନ କରିଥିଲେ। ଭାରତୀୟ ବୋଲର ମହମ୍ମଦ ସିରାଜ ଏବଂ ପ୍ରସିଦ୍ଧ କ୍ରିଷ୍ଣା ୩ଟି ଲେଖାଏ ଉଇକେଟ ନେଇଥିଲେ। ପ୍ରଥମ ଇନିଂସରେ ଭାରତ ୪ ରନରେ ଆଗୁଆ ରହିଛି। ୨ୟ ପାଳିରେ ଭାରତ ବ୍ୟାଟିଂ କରି ବିନା କୌଣସି ଉଇକେଟରେ ୩୪ ରନ ସଂଗ୍ରହ କରିଛି। ୫ ମ୍ୟାଚ ବିଶିଷ୍ଟ ସିରିଜରେ ଅଷ୍ଟ୍ରେଲିଆ ୨-୧ରେ ଆଗୁଆ ରହିଛି। ସିରିଜ ଡ୍ର ରଖିବାକୁ ହେଲେ ଭାରତକୁ ଶେଷ ମ୍ୟାଚ ଜିତିବାକୁ ହେବ।