Garvita Odia
ନୂଆଦିଲ୍ଲୀ:ହ୍ୱାଇଟ୍ ହାଉସ୍ ସମ୍ମୁଖ ପାର୍କ ନିକଟରେ ଗୁଳିକାଣ୍ଡ ହୋଇଛି। ଏହି ଘଟଣା ପରେ ଆମେରିକୀୟ ଗୁପ୍ତ ସେବାକୁ ଅଧିକ ସତର୍କତା ଜାରି କରାଯାଇଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଥିବା ସମୟରେ ଏପରି କାଣ୍ଡ ଘଟିଥିବା ସୂଚନା ରହିଛି।ଆମେରିକୀୟ ଗଣମାଧ୍ୟମରେ ପ୍ରସାରିତ ଖବର ଅନୁସାରେ ହ୍ୱାଇଟ୍ ହାଉସ୍ ର ଉତ୍ତରରେ ଥିବା ଲାଫାଏଟ୍ ପାର୍କ ନିକଟରେ ଗୁଳିକାଣ୍ଡ ଘଟିଛି। ତେବେ ଏଥିରେ କେହି ମୃତାହତ ହୋଇଥିବା ରିପୋର୍ଟ ହୋଇନାହିଁ। ଗୁଳିକାଣ୍ଡ କରିଥିବା ବ୍ୟକ୍ତିଙ୍କର ଏପର୍ୟ୍ୟନ୍ତ କୌଣସି ପଟ୍ଟା ମିଳିନାହିଁ। ମେଟ୍ରୋପଲିଟାନ୍ ପୁଲିସ ଏବଂ ୟୁ.ଏସ୍. ପାର୍କ ପୁଲିସ ସହିତ ସମନ୍ୱୟ ରଖି ଗୁପ୍ତ ସେବା ଆରମ୍ଭ କରିଛି। ହ୍ୱାଇଟ୍ ହାଉସ୍ରେ କାର୍ୟ୍ୟ ସ୍ୱାଭାବିକ ରହିଥିବା ବେଳେ, ଏକ ଉଚ୍ଚ ସୁରକ୍ଷା ସ୍ଥିତିରେ ହ୍ୱାଇଟ୍ ହାଉସ୍ ଅଛି। ଗୁପ୍ତ ସେବା ଏହି ଘଟଣାରେ ଜଡିତ କୌଣସି ଯାନ କିମ୍ବା ଆଗ୍ରହୀ ବ୍ୟକ୍ତିଙ୍କ ନାମ ପ୍ରକାଶ କରିନାହିଁ। ଗୁଳିକାଣ୍ଡ ପଛର କାରଣ ମଧ୍ୟ ସ୍ପଷ୍ଟ ହୋଇନାହିଁ। ମଧ୍ୟରାତ୍ରି ପରେ ଏହି ଗୁଳିକାଣ୍ଡ ଘଟିଥିବା ସୂଚନା ରହିଛି।
ନବୀକରଣ କାର୍ୟ୍ୟ ଯୋଗୁଁ ଲାଫାଏଟ୍ ପାର୍କ ସପ୍ତାହ ଧରି ଘେରାବନ୍ଦୀ ହୋଇ ରହିଛି। ଯାହାର ସୁଯୋଗ ନେଇ ଅଭିଯୁକ୍ତ ଏପରି କାଣ୍ଡ କରିଥିବା କୁହ ଯାଉଛି। ଟ୍ରମ୍ପ ଏହି ସମୟରେ ହ୍ୱାଇଟ୍ ହାଉସ୍ରେ ଥିଲେ।
