ଅପରେସନପରେ ଅପରେସନ କିନ୍ତୁ ପେସେଣ୍ଟ ଡେଡ:ମୁଖ୍ୟମନ୍ତ୍ରୀ

ଭୁବନେଶ୍ୱର: ପୂର୍ବ ସରକାର ଚାଷ ଓ ଚାଷୀଙ୍କୁ ଠକିଛନ୍ତି । ସେତେବେଳେ କାମ କଲେନି, କେବଳ ପ୍ରଚାର କଲେ । ପୂର୍ବ ସରକାର ଆଳୁ ମିଶନ ନାମରେ ଚାଷୀମାନଙ୍କୁ ଠକିଛନ୍ତି । ମିଶନ ପରେ ମିଶନ କଲେ କିନ୍ତୁ କିଛି ଲାଭ ହେଲାନି । ଅପରେସନପରେ ଅପରେସନ କିନ୍ତୁ ପେସେଣ୍ଟ ଡେଡ। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବା ମମତା ଦିଦିଙ୍କ ଆଉ ମମତା ନାହିଁ । ଆମ ପ୍ରତି ସେ ଦାଉ ସାଧୁଛନ୍ତି । ମମତାଙ୍କ ସହ ଯେତେ ଆଲୋଚନା କଲେ ବି କିଛି ଲାଭ ହେଉନାହିଁ ବୋଲି ଓଡ଼ିଶାର ମୁଖ୍ୟମନ୍ତ୍ରୀ ମୋହନଚରଣ ମାଝୀ କହିଛନ୍ତି । ଶୁକ୍ରବାର ରାଜ୍ୟସ୍ତରୀୟ କୃଷିମେଳା ଉଦଘାଟନ କରିବା ଅବସରରେ ନିଜର ଉଦବୋଧନ ଛଳରେ ମୁଖ୍ୟମନ୍ତ୍ରୀ ଏହା କହିଛନ୍ତି । ଏଥିସହ ମୁଖ୍ୟମନ୍ତ୍ରୀ ପୂର୍ବର ବିଜେଡି ସରକାର ଉପରେ ବି ଖୁବ ବର୍ଷିଛନ୍ତି ।

ସେ କହିଛନ୍ତି ଯେ ବିଜେଡି ସରକାର କୋଲଡ ଷ୍ଟୋରେଜ ପାଇଁ ପ୍ରତିଶ୍ରୁତି ଦେଲେ କିନ୍ତୁ ପ୍ରତିଷ୍ଠା କଲେନି । ଯେମିତିକି ଅପରେସନ ସକ୍ସେସ,ପେସେଣ୍ଟ ଡେଡ୍ । ଆଜି ବି ଆମେ ଆଳୁ ପାଇଁ ପଶ୍ଚିମବଙ୍ଗ ଉପରେ ନିର୍ଭରଶୀଳ । ମମତାଙ୍କ ସହ ଯେତେ ଆଲୋଚନା କଲେ ବି କିଛି ଲାଭ ହେଉନାହିଁ । ଏହା କେବଳ ପୂର୍ବ ସରକାରଙ୍କ ବିଫଳତା ପାଇଁ ହୋଇଛି । ତେଣୁ ଆପଣମାନେ ପୂର୍ବ ସରକାରଙ୍କୁ ଏବେ ବିରୋଧୀ ଦଳ ଆସନରେ ବସାଇଛନ୍ତି ବୋଲି ଉପସ୍ଥିତ ଜନତାଙ୍କୁ ମୁଖ୍ୟମନ୍ତ୍ରୀ କହିଥିଲେ ।