Garvita Odia
ଆସିକା: ଆସିକା SDPO ସନ୍ତୋଷ କୁମାର ଜେନା ନିଲମ୍ବିତ। SDPOଙ୍କ ବିରୋଧରେ ଗୃହ ବିଭାଗ ପକ୍ଷରୁ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ନିଆଯାଇଛି। ନିଲମ୍ବନ ସମୟରେ ଦକ୍ଷିଣାଞ୍ଚଳ IGଙ୍କ ଅଫିସରେ କାର୍ଯ୍ୟ କରିବେ SDPO। IGଙ୍କ ବିନା ଅନୁମତିରେ ଅନ୍ୟତ୍ର ନଯିବାକୁ ଚିଠିରେ ନିର୍ଦ୍ଦେଶ ଦିଆଯାଇଛି।
ଆସିକା ଅଞ୍ଚଳରେ ଏକ ସୁନା ଦୋକାନରୁ ସୁନା ଅଳଙ୍କାର କିଣି ପଇସା ଦେଇନଥିବା ଅଭିଯୋଗ ହୋଇଥିଲା। ଏନେଇ ଆସିକାର ସମ୍ପୃକ୍ତ ଦୋକାନୀ ପୁଲିସ ଡିଜି ଓ ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଅଭିଯୋଗ କରିଥିଲେ। ଏପରିକି ସେ ନିଜ ଫେସବୁକ୍ ରେ ଏ ସମ୍ପର୍କିତ ଏକ ଭିଡିଓ ବି ଅପଲୋଡ୍ କରିଥିଲେ।
ଅବଶ୍ୟ ପରେ ସେହି ଭିଡିଓକୁ ହଟାଇ ନିଜ ଫେସବୁକ୍ ଆକାଉଣ୍ଟ୍ କୁ ବନ୍ଦ କରି ଦେଇଛନ୍ତି । ଏ ସମ୍ପର୍କରେ ଗଞ୍ଜାମ ଏସ୍ ପିଙ୍କୁ ରିପୋର୍ଟ ମଗାଯାଇଥିଲା। ଏସ୍ ପିଙ୍କ ରିପୋର୍ଟ ଆଧାରରେ ଗୃହବିଭାଗ ନିଲମ୍ବନ ନିର୍ଦ୍ଦେଶନାମା ଜାରି କରିଛି।
