Garvita Odia
ୱାସିଂଟନ: ଋଷ ଏବଂ ୟୁକ୍ରେନ ତିନି ଦିନିଆ ଅସ୍ତ୍ରବିରତି ପାଇଁ ରାଜି ହୋଇଛନ୍ତି। ଏହି ଅସ୍ତ୍ରବିରତି ମେ’ ୯ରୁ ୧୧ ପର୍ୟ୍ୟନ୍ତ କାର୍ୟ୍ୟକାରୀ ହେବ। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଶୁକ୍ରବାର ଏହା ଘୋଷଣା କରିଛନ୍ତି। ସେ କହିଛନ୍ତି ଯେ ଉଭୟ ପକ୍ଷ ଯୁଦ୍ଧ ବନ୍ଦ କରିବା ଏବଂ ଏକ ବଡ଼ ଧରଣର କଏଦୀ ଅଦଳବଦଳ ପାଇଁ ରାଜି ହୋଇଛନ୍ତି। ସୋସିଆଲ ମିଡିଆ ପ୍ଲାଟଫର୍ମ ‘ଟ୍ରୁଥ୍’ରେ ପ୍ରକାଶିତ ଏକ ବିବୃତ୍ତିରେ ଟ୍ରମ୍ପ କହିଛନ୍ତି ଯେ ଏହି ଅସ୍ତ୍ରବିରତିରେ ଏକ ପ୍ରମୁଖ କଏଦୀ ଅଦଳବଦଳ ଅନ୍ତର୍ଭୁକ୍ତ ହେବ, ଯେଉଁଥିରେ ଉଭୟ ପକ୍ଷର ୧,୦୦୦୦ କଏଦୀଙ୍କ ଅଦଳବଦଳ ଅନ୍ତର୍ଭୁକ୍ତ। ଟ୍ରମ୍ପ ପୋଷ୍ଟରେ କହିଛନ୍ତି ଯେ ସେ ସିଧାସଳଖ ଅସ୍ତ୍ରବିରତି ପାଇଁ ଅନୁରୋଧ କରିଛନ୍ତି ଏବଂ ଏଥିରେ ରାଜି ହେବା ପାଇଁ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଏବଂ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନ୍ସକିଙ୍କୁ ଧନ୍ୟବାଦ ଜଣାଇଛନ୍ତି। ଏହି ଅସ୍ତ୍ରବିରତି ଦ୍ୱିତୀୟ ବିଶ୍ୱଯୁଦ୍ଧରେ ବିଜୟକୁ ସ୍ମରଣ କରି ବିଜୟ ଦିବସ ପାଳନ କରୁଥିବା ସମୟରେ ଆସିଛି।
