Garvita Odia
ଭୁବନେଶ୍ୱର: ଓଡ଼ିଶା ଚାଷୀଙ୍କ ମୁଣ୍ଡପିଛା ଋଣ ବର୍ଷକରେ ବଢ଼ିଛି ୪୬୮୫ ଟଙ୍କା। ରାଜ୍ୟସଭା ସାଂସଦ ମାନସ ମଙ୍ଗରାଜଙ୍କ ଏକ ପ୍ରଶ୍ନରେ ଏହି ତଥ୍ୟ ଦେଇଛନ୍ତି କେନ୍ଦ୍ର କୃଷି ରାଷ୍ଟ୍ରମନ୍ତ୍ରୀ ରାମନାଥ ଠାକୁର। ସେ କହିଛନ୍ତି ଯେ ୨୦୨୩ ବର୍ଷରେ ଓଡ଼ିଶାରେ ଚାଷୀଙ୍କ ମୁଣ୍ଡ ପିଛା ଋଣ ୬୮୨୧୦ ଟଙ୍କା ଥିଲା, ମାତ୍ର ୨୦୨୪ରେ ଏହା ବୃଦ୍ଧି ପାଇ ୭୨୮୯୫ ଟଙ୍କାରେ ପହଞ୍ଚିଛି । ସେହିପରି କୃଷି ଋଣ ବକେୟା ମଧ୍ୟ ଗତ ୫ ବର୍ଷ ମଧ୍ୟରେ ବଢି ବଢି ଚାଲିଛି। କୃଷି ଋଣ ବକେୟା ପରିମାଣ ୨୦୧୯-୨୦ ଆର୍ଥିକବର୍ଷରେ ୩୮,୯୬,୫୨୦ ଲକ୍ଷ ଟଙ୍କା ଥିଲା ବେଳେ ୨୦୨୦-୨୧ରେଏହା ୪୦,୪୨,୨୬୨ ରହିଥିଲା। ସେହିପରି ୨୦୨୧-୨୨ କୃଷି ଋଣ ବକେୟା ପରିମାଣ ୫୦,୮୭,୫୭୭ ରହିଥିଲା ବେଳେ ୨୦୨୩-୨୪ ଆର୍ଥିକବର୍ଷରେ ୭୯,୦୨,୫୭୯ ଲକ୍ଷ ଟଙ୍କା ହୋଇଛି ବୋଲି ଶ୍ରୀ ମଙ୍ଗରାଜଙ୍କ ପ୍ରଶ୍ନରେ ସୂଚନା ଦେଇଛନ୍ତି କେନ୍ଦ୍ର କୃଷି ରାଷ୍ଟ୍ରମନ୍ତ୍ରୀ।
