କନିଷ୍ଠ ଶିକ୍ଷକଙ୍କ ଦରମା ବୃଦ୍ଧି

ଭୁବନେଶ୍ୱର: ରାଜ୍ୟ ସରକାର ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛନ୍ତି । କନିଷ୍ଠ ଶିକ୍ଷକ(ସ୍କେମାଟିକ)ଙ୍କ ଦରମା ବୃଦ୍ଧି କରିଛନ୍ତି ରାଜ୍ୟର ମୋହନ ସରକାର । ଏନେଇ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ଗୁରୁବାର ସୂଚନା ଦିଆଯାଇଛି । ପ୍ରାଥମିକ ଓ ଉଚ୍ଚପ୍ରାଥମିକ ସ୍କୁଲର ଶିକ୍ଷକଙ୍କୁ ବର୍ଦ୍ଧିତ ଦରମା ମିଳିବ । ପୂର୍ବରୁ କନିଷ୍ଠ ଶିକ୍ଷକଙ୍କ ଦରମା ୧୧ ହଜାର ଟଙ୍କା ଥିଲା । ଏବେ ରାଜ୍ୟ ସରକାର ଆଉ ୫ ହଜାର ଟଙ୍କା ଦରମା ବୃଦ୍ଧି କରିଛନ୍ତି । ଫଳରେ ସମ୍ପୃକ୍ତ ଶିକ୍ଷକମାନେ ଏବେ ୧୧ ହଜାର ବଦଳରେ ମୋଟ ୧୬ ହଜାର ଟଙ୍କା ଦରମା ପାଇବେ ।ଆଜିଠାରୁ ବର୍ଦ୍ଧିତ ଦରମା ମିଳିବ ବୋଲି ରାଜ୍ୟ ସରକାର ସ୍ପଷ୍ଟ କରିଛନ୍ତି ।