କରାଚିରେ ଆତଙ୍କବାଦୀ ଆକ୍ରମଣ, ୬ ମୃତ

କରାଚି:ପାକିସ୍ତାନର କରାଚି ସହରରେ ଶନିବାର ସନ୍ଧ୍ୟାରେ ଆତଙ୍କବାଦୀ ଆକ୍ରମଣ ହୋଇଛି। ଏହି ଆକ୍ରମଣରେ ୬ଜଣଙ୍କ ଜୀବନ ଯାଇଛି। ମୃତକଙ୍କ ମଧ୍ୟରେ ପାକିସ୍ତାନ ସିନ୍ଧ ରେଞ୍ଜର୍ସର ୩ ଯବାନ ଓ ୩ ଆତଙ୍କବାଦୀ ଥିବା ଜଣାପଡ଼ିଛି। ରେଞ୍ଜର୍ସଙ୍କ ଶିବିର ଉପରକୁ ଆତଙ୍କବାଦୀମାନେ ପ୍ରଥମେ ବୋମାମାଡ଼ କରିଥିଲେ। ଏହାପରେ ଆତଙ୍କବାଦୀଙ୍କ ତରଫରୁ ଗୁଳିଚାଳନା କରାଯାଇଥିଲା। ଏଥିରେ ୩ ଯବାନ ନିହତ ହୋଇଥିବାବେଳେ ଯବାନଙ୍କ ତରଫରୁ ପାଲଟା ଗୁଳିମାଡ଼ରେ ୩ଜଣ ଆତଙ୍କବାଦୀ ଟଳି ପଡ଼ିଥିଲେ। ଏହି ଘଟଣା ପରେ ଅଧିକ ସଂଖ୍ୟକ ସୁରକ୍ଷାକର୍ମୀ ଘଟଣାସ୍ଥଳରେ ଘେରଉ କରି ରଖିବା ସହ ତଦନ୍ତ ଜାରି ରଖିଛନ୍ତି।