Garvita Odia
ଭୁବନେଶ୍ୱର: ପୁଣି ସୋସିଆଲ୍ ମିଡିଆରେ ବିଜେଡିକୁ କଟାକ୍ଷ କଲେ ଶ୍ରୀମୟୀ ମିଶ୍ର । ସୁଜାତା କାର୍ତ୍ତିକେୟନ ପାଣ୍ଡିଆନଙ୍କ ଏଣ୍ଟ୍ରିକୁ ନେଇ ପ୍ରଶ୍ନ ଉଠାଇଲେ ଶ୍ରୀମୟୀ । ସେହିପରି ବିଜେଡିର ଉତ୍ତରାଧିକାରୀ ଟଣାଓଟରାକୁ ନେଇ ମଧ୍ୟ ଆକ୍ଷେପ କରିଛନ୍ତି ଶ୍ରୀମୟୀ ମିଶ୍ର ।
ଦଳରେ ପାଣ୍ଡିଆନଙ୍କ ହସ୍ତକ୍ଷେପକୁ ବିଜେଡିର ବିଦ୍ରୋହୀ ଗୋଷ୍ଠୀଙ୍କ ବିରୋଧ । ଲୁଚିଛପି ନୁହେଁ ଖୋଲାଖୋଲି ଭୋଜି କରି ନେତୃତ୍ବକୁ ଚ୍ୟାଲେଂଜ ଦେଇଥିବା ବେଳେ ପୂର୍ବତନ ନେତ୍ରୀ ଶ୍ରୀମୟୀ ମିଶ୍ର କଟାକ୍ଷ କରିଛନ୍ତି । କାହାର ନାଁ ନ ନେଇ କବିତା ମାଧ୍ୟମରେ ସେ ଲେଖିଛନ୍ତି, ମୁଖିଆ କାହାକୁ ଦେଉନାହାନ୍ତି ଗୁରୁତ୍ବ । କିଏ ହେବ ମୁଖିଆ ବିଜେଡିର ମୁଖିଆ କାହାକୁ ସବୁଜ ସଙ୍କେତ ଦେଉ ନାହାନ୍ତି । ଅଧିକାର ସାବ୍ୟସ୍ତ ପାଇଁ ଚାଲିଛି ବହୁତ ଟଣାଓଟରା । କିଏ କାହା ଟିମରେ, କିଏ ଦେବ ଧରା ତାକୁ ନେଇ ଚାଲିଛି ଛକାପଞ୍ଝା । କାହାର ହେବ ସେ ସବୁଜ ମୁକୁଟ। ମୁଖିଆ ଦେଉ ନାହାନ୍ତି କାହାକୁ ଗୁରୁତ୍ଵ ବୋଲି କହି ସଙ୍କେତ ନାମକ କବିତା ଲେଖି ଶ୍ରୀମୟୀ ପୋଷ୍ଟ କରିଛନ୍ତି ।
