ଗୋଡ଼ାଇ ଗୋଡ଼ାଇ ପିଟିଲା ପୁଲିସ

ଭୁବନେଶ୍ୱର: କଂଗ୍ରେସ କର୍ମୀଙ୍କ ଉଗ୍ର ରୂପ । ବିଧାନସଭା ଘେରାଉ ବେଳେ କଂଗ୍ରେସ କର୍ମୀ ପୁଲିସ ଉପରକୁ ପଥର ମାଡ଼ କରିବା ପରେ ପୁଲିସ କଂଗ୍ରେସ କର୍ମୀଙ୍କୁ ଗୋଡ଼ାଇ ଗୋଡ଼ାଇ ପିଟିବା ଆରମ୍ଭ କରିଛି । ନାରୀ ନିର୍ଯାତନା ପ୍ରସଙ୍ଗରେ କଂଗ୍ରେସ ଗୁରୁବାର ଭୁବନେଶ୍ୱରସ୍ଥ ଲୋୟର ପିଏମଜିରେ ଗର୍ଜନ କରିଛି । ଆଜି ଦଳ ପକ୍ଷରୁ ବିଧାନ ଘେରାଉ ଡାକରା ଦିଆଯାଇଥିବାବେଳେ କଂଗ୍ରେସ କର୍ମୀମାନେ ପୁଲିସ ଉପରକୁ ଟେକାପଥର ମାଡ଼ କରିବା ସହ ଚେୟାର ଫିଙ୍ଗିଛନ୍ତି । ଯାହା ଫଳରେ ଲୋୟର ପିଏମଜି ଏବେ ଋଣକ୍ଷେତ୍ର ପାଲଟିଛି ।
ପ୍ରଥମେ କଂଗ୍ରେସ କର୍ମୀମାନେ ଲୋୟର ପିଏମଜିରେ ପୁଲିସ ପକ୍ଷରୁ କରାଯାଇଥିବା ବ୍ୟାରିକେଡକୁ ଭାଙ୍ଗିଦେଇଥିଲେ । ପରେ ବିଧାନସଭା ଅଭିମୁଖେ ଅଗ୍ରସର ହେଉଥିବାବେଳେ ପୁଲିସ ଓ କଂଗ୍ରେସ କର୍ମୀଙ୍କ ମଧ୍ୟରେ ଠେଲାପେଲା ଓ ଧସ୍ତାଧସ୍ତି ପରିସ୍ଥିତି ସୃଷ୍ଟି ହୋଇଥିଲା । ତେବେ କଂଗ୍ରେସ କର୍ମୀମାନେ ଏହି ଅବସରରେ ପଥରମାଡ଼ କରିବା ସହ ଚେୟାର ଫିଙ୍ଗିଥିଲେ ।
ଯାହାର ଜବାବୀ କାର୍ଯ୍ୟାନୁଷ୍ଠାନରେ ପୁଲିସ ପକ୍ଷରୁ ଲାଠିଚାର୍ଜ କରାଯାଇଛି ।