ଜୋରରେ ଭାସିଗଲେ ଦୁଇ ଭାଇ; ଜଣେ ନିଖୋଜ ଓ ଜଣେ ଉଦ୍ଧାର

ଅନୁଗୋଳ: ଅନୁଗୋଳ ଜିଲା ଟିପିରିସିଙ୍ଗା ମନ୍ଦିର ନିକଟରୁ ଦୁଇଭାଇ ଜୋରରୁ ପାଣି ଉଠାଇଥିବା ବେଳେ ଭାସିଯାଇ ଜଣେ ନିଖୋଜ ଥିବା ବେଳେ ଜଣେ ଉଦ୍ଧାର ହୋଇଛି। ସୁଚନା ମୁତାବକ ଆଜି ଶ୍ରାବଣ ମାସ ଦ୍ବିତୀୟ ପାଳି ପାଇଁ କାଉଡ଼ିଆମାନେ ଶୈବପୀଠକୁ ପୂଜାର୍ଚ୍ଚନା କରି ପାଣି ଉଠାଉଥିବା ବେଳେ ଆଗରୁ ଡେରେଜାଙ୍ଗ ଡ୍ୟାମରୁ ରାତି ୧୨ଟା ସମୟରେ ଜଳ ନିଷ୍କାସନ ପାଇଁ ଡ଼ାକବାଜି ଯନ୍ତ୍ରରେ ସୁଚନା ଦିଆଯାଇଥିଲା କିନ୍ତୁ ଅନୁଗୋଳ ବେନ୍ତପୁର ଗ୍ରାମର ସୁଧିର ରଥଙ୍କ ପୁଅ ସୁମିତସୈରବ ରଥ (୧୬)ଓ ତାଙ୍କ ଦଦାପୁଅ ରୁଚିର କୁମାର ରଥଙ୍କ ପୁଅ ଆୟୁଷ କୁମାର ରଥ (୧୬) ଉଭୟ ଟିପିରିସିଙ୍ଗା ଗ୍ରାମର ଶିବ ମନ୍ଦିର ନିକଟ ଜୋରରୁ ପାଣି ଉଠାଉଥିବା ବେଳେ ହଠାତ୍ ପାଣି ମାଡି ଆସିଥିଲା ଯାହା ଫଳରେ ଦୁଇ ଭାଇ ପାଣିରେ ଭାସି ଯାଇ ଥିଲେ ସେଠାରୁ ଦୁଇ କିଲୋମିଟର ଦୂରରେ ସୁମିତସୈରବଙ୍କୁ ଗୁରୁତର ଅବସ୍ଥାରେ ଗ୍ରାମବାସୀ ଉଦ୍ଧାର କରି ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ ଓ ଆୟୁଷଙ୍କର ଏପର୍ଯ୍ୟନ୍ତ ପତା ମିଳି ପାରିନାହିଁ। ଉଦ୍ଧାର କାର୍ଯ୍ୟରେ ଅନୁଗୋଳ ଦମକଳବାହିନୀ ନିୟୋଜିତ ରହିଛନ୍ତି।