Garvita Odia
ଭୁବନେଶ୍ବର: ରାଜ୍ୟ ଜନଗଣନା ନିର୍ଦ୍ଦେଶକ ତଥା ନାଗରିକ ପଞ୍ଜିକରଣ ନିର୍ଦ୍ଦେଶକ ଭାବେ ନିଯୁକ୍ତ ହୋଇଛନ୍ତି ୨୦୧୨ ବ୍ୟାଚର ଆଇଏଏସ ନିଖିଲ ପବନ କଲ୍ୟାଣ । କେନ୍ଦ୍ର କାର୍ମିକ ମନ୍ତ୍ରଣାଳୟର ନିର୍ଦ୍ଦେଶକ ସାକ୍ଷୀ ମିତ୍ତଲ ରାଜ୍ୟ ମୁଖ୍ୟ ଶାସନ ସଚିବଙ୍କୁ ଚିଠି ଲେଖି ନିଖିଲଙ୍କୁ ଜନଗଣନା କାର୍ୟ୍ୟକ୍ରମ ଓ ନାଗରିକ ପଞ୍ଜିକରଣ ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଥିବା ନେଇ ଅବଗତ କରାଇଛନ୍ତି । ନିଖିଲ ବର୍ତ୍ତମାନ ରାଜ୍ୟ ମୃତ୍ତିକା ସଂରକ୍ଷଣ ଓ ଉଦ୍ୟାନ କୃଷି ନିର୍ଦ୍ଦେଶକ ଭାବେ କାର୍ୟ୍ୟରତ । ନିଖିଳଙ୍କୁ ତୁରନ୍ତ ନୂତନ ଦାୟିତ୍ୱ ଗ୍ରହଣ ପାଇଁ ରିଲିଭ କରିବା ପାଇଁ ମୁଖ୍ୟ ଶାସନ ସଚିବଙ୍କୁ ଅନୁରୋଧ କରାଯାଇଛି ।
କେନ୍ଦ୍ର ସରକାର ଜନଗଣନା କାର୍ୟ୍ୟକ୍ରମକୁ ଆଗେଇ ନେବାକୁ ପ୍ରକ୍ରିୟା ଆରମ୍ଭ କରିଛନ୍ତି । ଜନଗଣନା ନିର୍ଦ୍ଦେଶକ ଥିବା ଉଦୟ ନାରାୟଣ ଦାସଙ୍କୁ ରାଜ୍ୟ ସରକାର ଗତ ମେ’ ମାସରେ ଓଡ଼ିଶା ଲୋକସେବା ଆୟୋଗର ସଦସ୍ୟ ଭାବେ ନିଯୁକ୍ତି ଦେଇଛନ୍ତି । ଏହା ପରେ ଏହି ପଦବୀ ଖାଲି ପଡ଼ିଛି । ଓଡ଼ିଶାରେ ଖାଲି ପଡ଼ିଥିବା ଏହି ନିର୍ଦ୍ଦେଶକ ପଦବୀରେ ୨୦୧୨ ବ୍ୟାଚର ଆଇଏଏସ ନିଖିଲ ପବନ କଲ୍ୟାଣଙ୍କୁ ଅବସ୍ଥାପିତ କରାଯାଇଛି । କେନ୍ଦ୍ର କାର୍ମିକ ମନ୍ତ୍ରଣାଳୟର ନିର୍ଦ୍ଦେଶକ ସାକ୍ଷୀ ମିତ୍ତଲ ଆଜି ରାଜ୍ୟ ମୁଖ୍ୟ ଶାସନ ସଚିବ ମନୋଜ କୁମାର ଆହୁଜାଙ୍କୁ ଚିଠି ଲେଖି ଅବଗତ କରିଛନ୍ତି । ନିଖିଲଙ୍କୁ ଓଡ଼ିଶାର ଜନଗଣନା କାର୍ୟ୍ୟକ୍ରମ ଓ ନାଗରିକ ପଞ୍ଜିକରଣ ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଥିବା ନେଇ ସେ ଅବଗତ କରାଇଛନ୍ତି ।
