Garvita Odia
ନବରଙ୍ଗପୁର:ପେଟ୍ରୋଲ ପମ୍ପରେ ହାଉଯାଉ ଭିଡ଼। ତେଲ ନେବାକୁ ଲାଗିଛି ଲମ୍ବା ଲାଇନ। ଆଖପାଖର ତେଲ ଟାଙ୍କି ବନ୍ଦ ପଡିଥିବାରୁ ତେଲ ନେବାକୁ ଭିଡ଼ ଜମାଇଛନ୍ତି ଲୋକେ। ନବରଙ୍ଗପୁର ସହରରେ ପେଟ୍ରୋଲ ଓ ଡିଜେଲର ଅଭାବ ଦେଖାଦେବା ପରେ ପେଟ୍ରୋଲ ପମ୍ପ ସାମ୍ନାରେ ଦେଖିବାକୁ ମିଳିଛି ଏଭଳି କିଛି ଦୃଶ୍ୟ।
ସହରରେ ୬ ତେଲ ଟାଙ୍କି ରହିଥିବା ବେଳେ ତେଲ ଅଭାବରୁ ଗତକାଲି ସନ୍ଧ୍ୟାରୁ ବନ୍ଦ ପଡ଼ିରହିଛି ୪ଟି ତେଲ ଟାଙ୍କି। ଫଳରେ ଅନ୍ୟ ୨ଟି ଖୋଲା ଥିବା ଟାଙ୍କିରେ ପେଟ୍ରୋଲ ଓ ଡିଜେଲ ପାଇଁ ଲୋକଙ୍କ ଭିଡ଼ ଦେଖିବାକୁ ମିଳିଛି।
ଅନ୍ୟପଟେ ତେଲ ଅଭାବ ଥିବାରୁ ଖୋଲା ଥିବା ଟାଙ୍କି ମଧ୍ୟ ସୀମିତ ତେଲ ଦେଉଛନ୍ତିି। ଦୁଇ ଚକିଆକୁ ୨୦୦ ଟଙ୍କାର ତେଲ ଓ ଚାରି ଚକିଆକୁ ମାତ୍ର ୧ ହଜାର ଟଙ୍କାର ଇନ୍ଧନ ଦିଆଯାଉଛି। ଫଳରେ ଲୋକେ ଅସନ୍ତୋଷ ବ୍ୟକ୍ତ କରିଛନ୍ତି। ଅନ୍ୟପଟେ ଜିଲ୍ଲା ଯୋଗାଣ ବିଭାଗ ଏହା ଉପରେ ନଜର ରଖିଥିବା ସହ ଶୀଘ୍ର ସମସ୍ୟା ର ସମାଧାନ କରାଯିବ ବୋଲି କହିଛନ୍ତି।
