Garvita Odia
ବାଲେଶ୍ବର: ଲଘୁଚାପ ବର୍ଷାରେ ଫୁଲୁଛି ଜଳକା, ବିପଦ ସଙ୍କେତ ଟପିଲା ଜଳସ୍ତର। ବାଲେଶ୍ବର ବସ୍ତା ବ୍ଲକ୍ ମଥାନୀ ଠାରେ ବିପଦ ସଙ୍କେତ ୬.୫୦ ମିଟର ଥିବାବେଳେ ସକାଳ ୬ଟା ସୁଦ୍ଧା ଜଳସ୍ତର ୭.୮୪ ମିଟରରେ ପ୍ରବାହିତ ହେଉଛି। ଉପରମୁଣ୍ଡରେ ଲଗାଣ ବର୍ଷା ଜାରି ରହିଥିବାରୁ ଆଗକୁ ଜଳସ୍ତର ଆହୁରି ବଢ଼ିବା ଆଶଙ୍କା।
ଫଳରେ ବସ୍ତା ସମେତ ବାଲେଶ୍ବର ଜିଲ୍ଲାର ତଳିଆ ଅଞ୍ଚଳରେ ବନ୍ୟା ଭୟ ଘାରିଛି। ଯଦି ବର୍ଷା ଏଭଳି ଜାରି ରହେ, ତେବେ ବନ୍ୟା ପରିସ୍ଥିତି ଆହୁରି ଗମ୍ଭୀର ହେବା ଆଶଙ୍କା ରହିଛି। ବସ୍ତା ବ୍ଲକର ଦୁଧହଂସା, ବାହାର୍ଦା, ନଟାକଟା, ବ୍ରାହ୍ମଣଦା, ମଥାନୀ ଓ ବରୁଣଗାଡ଼ିଆ ସମେତ ୧୭ଟି ପଞ୍ଚାୟତର ପ୍ରାୟ ୯୦ଟି ଗାଁ ପ୍ରଭାବିତ ହେବାର ଆଶଙ୍କା ରହିଛି।
