ବିଏମସିର ୱାଟର କିଓସ୍କ ଉଦଘାଟନ

ଭୁବନେଶ୍ୱର: ଭୁବନେଶ୍ୱର ମହାନଗର ନିଗମ (ବିଏମ୍ ସି) ଓ ଓଡିଶା ଅକ୍ଷୟ ଶକ୍ତି ବିଭାଗର ମିଳିତ ସହଯୋଗରେ ଭୁବନେଶ୍ୱରର ବିଭିନ୍ନ ସ୍ଥାନରେ ପ୍ରତିଷ୍ଠା ହୋଇଛି 33ଗୋଟି ସୋଲାର ଓ୍ୱାଟର କିଓସ୍କ । ନିର୍ମିତ ହୋଇସାରିଛି ଆଉ 8 ଗୋଟି l ଆଜି ପଟିଆ ଛକ ହନୁମାନ ମନ୍ଦିରଠାରେ ଏକ ସୋଲାର ଓ୍ୱାଟର କିଓସ୍କକୁ ଭୁବନେଶ୍ୱର ଲୋକସଭାର ମାନନୀୟା ସାଂସଦ ଶ୍ରୀମତୀ ଅପରାଜିତା ଷଢଙ୍ଗୀ ଉଦଘାଟନ କରିଛନ୍ତି । ଏହି ଅବସରରେ ଉପସ୍ଥିତ ଥିଲେ ଭୁବନେଶ୍ବର ଉତ୍ତରର ମାନ୍ୟବର ବିଧାୟକ ଶ୍ରୀ ସୁଶାନ୍ତ କୁମାର ରାଉତ , ଭୁବନେଶ୍ୱରର ମାନନୀୟା ମେୟର ଶ୍ରୀମତୀ ସୁଲୋଚନା ଦାସ, ସ୍ଥାନୀୟ କର୍ପୋରେଟର୍ ଶ୍ରୀମତୀ ଲକ୍ଷ୍ମୀ ପ୍ରିୟା ପରିଡା , ଅତିରିକ୍ତ କମିଶନର ଶ୍ରୀ କୈଳାସ ଚନ୍ଦ୍ର ଦାସ, ଡେପୁଟି କମିଶନର ଶ୍ରୀ ଏନ ଗଣେଶ ବାବୁ ଏବଂ ସ୍ଥାନୀୟ ନେତୃବୃନ୍ଦ ଉପସ୍ଥିତ ଥିଲେ । ଏହି ପଦକ୍ଷେପର ଅଂଶବିଶେଷ ସ୍ୱରୂପ ଭୁବନେଶ୍ୱର ମହାନଗର ନିଗମ ସହର ସାରା, ବିଶେଷ କରି ଗ୍ରୀଷ୍ମ ଋତୁରେ, ନାଗରିକମାନଙ୍କୁ ନିରାପଦ, ସୁଲଭ ଏବଂ ଦୀର୍ଘସ୍ଥାୟୀ ପାନୀୟ ଜଳ ଯୋଗାଇବା ପାଇଁ 3 କିଲୋୱାଟ କ୍ଷମତା ବିଶିଷ୍ଟ 33ଟି ସୋଲାର ୱାଟର କିଓସ୍କ ସ୍ଥାପନ ହୋଇ କାର୍ଯ୍ୟକ୍ଷମ ହୋଇଛି ।

ପଟିଆ ଛକ ହନୁମାନ ମନ୍ଦିରରେ ଅବସ୍ଥିତ ଏହିପରି ଏକ ସୌର ଜଳ କିଓସ୍କ ଆଜି ଉଦଘାଟିତ ହୋଇଥିଲା। ଏହି କିଓସ୍କରେ ବ୍ୟବସ୍ଥା ଭାବେ ଜଳ ଶୁଦ୍ଧିକରଣ ଏବଂ ବିତରଣ ସୁବିଧା ରହିଛି, ଯେଉଁଥିରେ ଜଳ ଯୋଗାଣ ପମ୍ପ ସହିତ 5000 ଲିଟର ଜଳ ସଂରକ୍ଷଣ ଟାଙ୍କି ସହିତ ମଲ୍ଟିମିଡ଼ିଆ ଫିଲ୍ଟର୍, ମାଇକ୍ରୋନ୍ କାର୍ଟ୍ରିଜ୍ ଫିଲ୍ଟର୍, ଯ଼ୁ. ଭି. ଶୁଦ୍ଧିକରଣ ବ୍ୟବସ୍ଥା , 1000 ଲିଟର ଉତ୍ପାଦ ଜଳ ସଂରକ୍ଷଣ ଟାଙ୍କି , ଜଳ ସଞ୍ଚାଳନ ପାଇଁ ଚିଲର୍ ଏବଂ ଉଭୟ ସାଧାରଣ ଏବଂ ଥଣ୍ଡା ଜଳ ବିତରଣ ପାଇଁ ସୁବିଧା ରହିଛି।ଆଗକୁ ସହରର ବିଭିନ୍ନ ସ୍ଥାନରେ ନିୟମାନୁସାରେ ଏହି କିଓସ୍କ ସ୍ଥାପନ କରାଯିବ l ଆମ ନାଗରିକ କିପରି ସ୍ମାର୍ଟ ସିଟିର ଏହି ଜଳଯୋଗାଣକୁ ଉପଭୋଗ କରିବେ କହିଥିଲେ ମାନନୀୟl ସାଂସଦ l ଅନୁରୂପ ଭାବେ ସ୍ଥାନୀୟ ବିଧାୟକ ବି ଏମ୍ ସି ଏବଂ ଓରେଡା ର ମିଳିତ ପଦକ୍ଷପକୁ ପ୍ରସଂଶା କରିଛନ୍ତି l ବି ଏମ୍ ସି ସହରରେ 100 ରୁ ଉର୍ଦ୍ଧ ଏହିପରି କିଓସ୍କୋର ସେବା ଯୋଗାଇଦେବା ପାଇଁ ଲାଗିପଡ଼ିଛି , କହିଥିଲେ ମାନନୀୟା ମେୟର।