Garvita Odia
ନୂଆଦିଲ୍ଲୀ: ମହାରାଷ୍ଟ୍ରର ବାରାମତୀରେ ଏକ ବଡ଼ ବିମାନ ଦୁର୍ଘଟଣାର ଖବର ସାମ୍ନାକୁ ଆସିଛି। ମିଳିଥିବା ସୂଚନା ଅନୁଯାୟୀ ତାଲିମ ପାଇଁ ବ୍ୟବହୃତ ବିମାନଟି ବାରାମତୀର ଗୋଜୁବାବି ଗାଁରେ ଦୁର୍ଘଟଣାଗ୍ରସ୍ତ ହୋଇଛି। ଅଜିତ ପାୱାରଙ୍କ ବିମାନ ମଧ୍ୟ ପୂର୍ବରୁ ସେଠାରେ ଦୁର୍ଘଟଣାଗ୍ରସ୍ତ ହୋଇଥିଲା। ଉଡ଼ାଣ ସମୟରେ ବିମାନର ଇଞ୍ଜିନ ଖରାପ ହୋଇଯାଇଥିବା ଜଣାପଡ଼ିଛି। ପାଇଲଟ ବିଚକ୍ଷଣତା ପ୍ରଦର୍ଶନ କରି ବିମାନକୁ ସୁରକ୍ଷିତ ଭାବରେ ଅବତରଣ କରିବାକୁ ଚେଷ୍ଟା କରିଥିଲେ।
ଯାହା ଫଳରେ ବାରାମତୀର ଗୋଜୁବାବି ଅଞ୍ଚଳରେ ବିମାନଟିକୁ ଅବତରଣ କରାଯାଇଥିଲା। ଦୁର୍ଘଟଣାରେ କୌଣସି ବଡ଼ କ୍ଷତି କିମ୍ବା ମୃତାହତ ହେବାର ସୂଚନା ମିଳିନାହିଁ। ସ୍ଥାନୀୟ ଲୋକମାନେ ବିମାନଟିକୁ ଅବତରଣ କରିବା ଦେଖି ଘଟଣାସ୍ଥଳରେ ପ୍ରବଳ ଭିଡ ଜମାଇଥିଲେ। ସୂଚନା ପାଇବା ପରେ ପୁଲିସ୍ ଏବଂ ପ୍ରଶାସନିକ ଦଳ ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ। ବର୍ତ୍ତମାନ ବୈଷୟିକ ଦଳଗୁଡ଼ିକ ତଦନ୍ତ କରୁଛନ୍ତି।
