Garvita Odia
ଭୁବନେଶ୍ୱର : ଭୁବନେଶ୍ୱର ଉପକଣ୍ଠ ଭରତପୁର ଥାନା ଶ୍ୟାମପୁର ଅଞ୍ଚଳରେ ବଡ଼ଧରଣର ଜବର ଦଖଲ ଉଚ୍ଛେଦ ଚାଲିଛି। ବୁଲିଲା ବିଡିଏ ବୁଲଡୋଜର। ଆଖି ପିଛୁଳାକେ ମାଟିରେ ମିଶିଲା ବଡ଼ ବଡ଼ ଘର। ବିଡିଏ ପକ୍ଷରୁ ଏହା ହେଉଛି ରାଜଧାନୀରେ ସବୁଠାରୁ ବଡ଼ ଜବରଦଖଲ ଉଚ୍ଛେଦ ପ୍ରକ୍ରିୟା ।
ପ୍ରାୟ ୬୮ ଏକର ଜମିରେ ଥିବା ଏହି ଜବରଦଖଲ ଉଚ୍ଛେଦ କରାଯାଉଛି। ଏହି ଉଚ୍ଛେଦ ପାଇଁ କମିଶନରେଟ ପୋଲିସ ପକ୍ଷରୁ ୭ପ୍ଲାଟୁନ ପୋଲିସ ଫୋର୍ସ ମୁତୟନ ହୋଇଛନ୍ତି। ୨୦ରୁ ଉର୍ଦ୍ଧ ପୋଲିସ ଅଫିସର ମୁତୟନ ହୋଇଛନ୍ତି। BDA ର ୧୫୦ଜଣିଆ ଟିମ ବି ଉଚ୍ଛେଦ କାର୍ଯ୍ୟରେ ନିୟୋଜିତ ହୋଇଛନ୍ତି। ୧୦ଟି ଜେସିବି ଉଚ୍ଛେଦ କାମରେ ଲାଗିଛନ୍ତି।
ଏହି ସରକାରୀ ଜାଗାକୁ ଦୀର୍ଘ ବର୍ଷ ହେବ ଜବରଦଖଲ କରି ମାଡ଼ି ବସିବା ସହ ବହୁ ସ୍ଥାୟୀ ନିର୍ମାଣ ବି କରାଯାଇଛି। ମାତ୍ର ଏବେ ଆକ୍ସନ ମୁଡକୁ ଆସିଛି ବିଡିଏ। ଆଜିଠୁ ୩ ଦିନ ଧରି ଏହି ଜବରଦଖଲ ଉଚ୍ଛେଦ ପ୍ରକ୍ରିୟା ଚାଲିବ । କୌଣସି ଦଙ୍ଗା ସୃଷ୍ଟି ହେଲେ ତାହାକୁ ନିୟନ୍ତ୍ରଣ ପାଇଁ ବ୍ୟାପକ ଫୋର୍ସ ମୁତୟନ ହୋଇଛନ୍ତି। ବିଜେଡି ଅମଳରେ ନେତାଙ୍କ ଛତ୍ରଛାୟା ତଳେ ରହି ବହୁ ଜମି ମାଫିଆ ରାଜଧାନୀ ଛାତି ଉପରେ ଏହି ଜାଗାକୁ ମାଡ଼ି ବସିଥିଲେ। ମାତ୍ର ଶାସନ କ୍ଷମତାକୁ ଆସିବା ପରେ ବିଜେପି ଏନେଇ ଏକ ବଡ଼ ଆକ୍ସନ ନେଇଛି।
