Garvita Odia
ଭୋଗରାଇ: କମର୍ଦା ବଜାର ନିକଟରେ ବ୍ରାଉନ ସୁଗାର ଜବତ କରିବାକୁ ଆସି ଜଳେଶ୍ଵର ଅବକାରୀ ଟିମ୍ ହଟହଟା । ବ୍ରାଉନ ସୁଗାର ଜବତ କରି ଜଣେ ମହିଳାଙ୍କୁ ଗିରଫ କଲା ଅବକାରୀ ଟିମ୍ । ମହିଳାଙ୍କୁ ଗିରଫ କରି ନେଇ ଯାଉଥିବା ବେଳେ ଗାଡି ଅଟକାଇଲେ ପରିବାର ଲୋକେ । ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ୍ରେ ଏଭଳି ଘଟଣା ଘଟିଛି ।
ସୂଚନା ମୁତାବକ, କମର୍ଦା ବଜାର ନିକଟରେ ବ୍ରାଉନ ସୁଗାର କାରବାର ହେଉଥିବା ନେଇ ଅଭିଯୋଗ ହୋଇଥିଲା । ଅଭିଯୋଗ ଆଧାରରେ ବ୍ରାଉନ ସୁଗାର କାରବାର ହେଉଥିବା ଅଞ୍ଚଳରେ ଚଢାଉ କରିଥିଲା ଜଳେଶ୍ଵର ଅବକାରୀ ଟିମ୍ । ଅବକାରୀ ଟିମ୍ ଉକ୍ତ ସ୍ଥାନରେ ଚଢାଉ କରି ବ୍ରାଉନ ସୁଗାର ଜବତ କରିବା ସହ ଘଟଣାରେ ସମ୍ପୃକ୍ତ ଥିବା ଜଣେ ମହିଳାଙ୍କୁ ମଧ୍ୟ ଗିରଫ କରିଥିଲା । ଗିରଫ କରିବା ପରେ ମହିଳାଙ୍କୁ ନେଇ ଯାଉଥିବା ବେଳେ ତାଙ୍କ ପରିବାର ଲୋକେ ଗାଡ଼ି ଅଟକାଇଥିଲେ । ଅବକାରୀ ଟିମ୍ ଉକ୍ତ ସ୍ଥାନରେ ହଟହଟା ହୋଇଛି ।
