ଭାଇରାଲ ମହିଳାଙ୍କର ମିଳିଲା ପରିଚୟ

ଭୁବନେଶ୍ବର:ମହାରାଷ୍ଟ୍ରରେ ଟ୍ରାଫିକ୍‌ ଜାମ୍‌ ଯୋଗୁଁ ବିଜେପି ମନ୍ତ୍ରୀ ଗିରିଶ ମହାଜନଙ୍କୁ ଟିଉସନ୍‌ କରୁଥିବା ଜଣେ ମହିଳାଙ୍କର ଏକ ଭିଡିଓ ସୋସିଆଲ ମିଡିଆରେ ଖୁବ୍‌ ଜୋରରେ ଭାଇରାଲ ହୋଇଥିଲା । ସେ ମହିଳାଙ୍କୁ ଅନେକ ଲୋକ ପ୍ରଶଂସା କଲାବେଳେ ଅନେକ ତାଙ୍କ ପରିଚୟ ଜାଣିବାକୁ ଉତ୍ସୁକ ଥିଲେ । ସେହି ମହିଳାଙ୍କ ନାମ ହେଉଛି ଟୀନା ଚୌଧୁରୀ । ତାଙ୍କ ପରିବାର ପିଢ଼ି ପରେ ପିଢ଼ି ଭାରତୀୟ ଆର୍ମିରେ ଦେଶର ସେବା କରିଛନ୍ତି । ତାଙ୍କ ପରିବାର ୮ ଜଣ ସଦସ୍ୟ ଭାରତୀୟ ଆର୍ମିରେ କାମ କରିଛନ୍ତି ।
ସେ କହନ୍ତି ଯେତେବେଳେ ଆପଣ ୟୁନିଫର୍ମ ପିନ୍ଧନ୍ତି, ଆପଣ ସାର୍ବଜନୀନ ସେବାରେ ଅଛନ୍ତି । ଏହା ଆପଣଙ୍କୁ ଲୋକମାନଙ୍କୁ ଅସମ୍ମାନ କିମ୍ବା ଭୟଭୀତ କରିବାର ଅଧିକାର ଦିଏ ନାହିଁ ।”ସାମାଜିକ ଗଣମାଧ୍ୟମରେ ଲୋକଙ୍କ ପ୍ରଶଂସା ଓ ସମର୍ଥନ ପାଇଁ ସେ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି । ସେ ନିଜ ସାମାଜିକ ଗଣମାଧ୍ୟମ ବାର୍ତ୍ତରେ ଲେଖିଛନ୍ତି “ମୁଁ ଆପଣଙ୍କ ସମସ୍ତ ବାର୍ତ୍ତା ପଢ଼ିଛି ଏତେ ପ୍ରେମ, ଏତେ ସମର୍ଥନ ପାଇଁ, ମୁଁ ସର୍ବଦା କୃତଜ୍ଞ ରହିବି । ଏହାସହିତ ସେ କୌଣସି ରାଜନୈତିକ ଦଳକୁ ଟାର୍ଗେଟ ନକରିବା ପାଇଁ ଅନୁରୋଧ କରଛନ୍ତି । ତାଙ୍କ କାନ୍ଧକୁ ବ୍ୟବହାର କରିବା ପରିବର୍ତ୍ତେ ନିଜ ସମସ୍ୟା ପାଇଁ ନିଜେ ସ୍ୱର ଉତ୍ତୋଳନ କରିବାକୁ ଲୋକଙ୍କୁ ଅନୁରୋଧ ବି କରିଛନ୍ତି । ଏହା ସହିତ ସେ ପ୍ରଶ୍ନ ଟିଏ ବି ପଚାରିଛନ୍ତି ମୋ ଭଳି ଆପଣମାନଙ୍କର ବି ସ୍ୱର ଅଛି, ମୁଁ କାହିିଁକି ଆପଣଙ୍କ ସ୍ୱର ହେବା ଆବଶ୍ୟକ ବୋଲି ଭାବୁଛନ୍ତି । ଭୁଲ ବିରୋଧରେ ସ୍ୱର ଉତ୍ତୋଳନ ଆପଣ ବି କରିପାରିବେ ।