ଭୋଟ ପାଇଁ ମହାପ୍ରସାଦ ଛୁଆଁଇ ଶପଥ

ଛାତ୍ର ସଂସଦ ନିର୍ବାଚନ। ଆରମ୍ଭ ହୋଇଛି ଭୋଟିଂ। ଭୋଟିଂ ପୂର୍ବରୁ ରମାଦେବୀ ବିଶ୍ବବିଦ୍ୟାଳୟ ହଷ୍ଟେଲରେ ଟଙ୍କା ବଣ୍ଟା ଯାଉଥିବା ଅଭିଯୋଗ ହୋଇଛି। ଏବିଭିପି ପ୍ରାର୍ଥୀ ନିଜେ ହଷ୍ଟେଲ ଭିତରେ ପଶି ଟଙ୍କା ବାଣ୍ଟୁଥିବାର ଅଭିଯୋଗ କରିଛି ବିସିଜେଡି।

ସେପଟେ ଏବିଭିପିର ପ୍ରାର୍ଥୀ ପାଲଟା ଅଭିଯୋଗ କରିଛନ୍ତି। ବିସିଜେଡି ନିଜେ ପଇସା ବାଣ୍ଟୁଛି ଏବଂ ହାରିବା ଭୟରେ ଏଭଳି ଅଭିଯୋଗ ଆଣୁଥିବା କହିଛି ଏବିଭିପି।

ରମାଦେବୀ ବିଶ୍ବବିଦ୍ୟାଳୟରୁ ଆଉ ଏକ ଅଭିଯୋଗ ମଧ୍ୟ ଆସିଛି। ଭୋଟ ପାଇଁ ଯାଉଥିବା ଛାତ୍ରୀଙ୍କୁ ବିସିଜେଡିର ପ୍ରାର୍ଥୀ ମାନେ ମହାପ୍ରସାଦ ଛୁଆଁଇ ଭୋଟ ଦେବା ପାଇଁ ଶପଥ କରାଉଥିବା ଅଭିଯୋଗ ହୋଇଛି। କିନ୍ତୁ ଏହି ଅଭିଯୋଗକୁ ଖଣ୍ଡନ କରିଛନ୍ତି ବିସିଜେଡି ସଭା ନେତ୍ରୀ ଇପ୍ସିତା ସାହୁ।
ଛାତ୍ର ସଂସଦ ନିର୍ବାଚନ। ଆଜି ଚାଲିଛି ଭୋଟଗ୍ରହଣ। ନିଜ ନିଜ କଲେଜର ନେତା ବାଛୁଛନ୍ତି ଛାତ୍ରଛାତ୍ରୀ। ସକାଳ ୮ଟାରୁ ଆରମ୍ଭ ହୋଇଛି ଭୋଟଗ୍ରହଣ। ଦିନ ୨ଟା ଯାଏ ଚାଲିବ ଭୋଟଦାନ ପ୍ରକ୍ରିୟା। ଭୋଟଗ୍ରହଣ ପରେ ଭୋଟ୍ ଗଣତି ହୋଇ ସନ୍ଧ୍ୟା ସୁଦ୍ଧା ଆସିଯିବ ରେଜଲ୍ଟ। ଏହାପରେ ଆସନ୍ତାକାଲି ନବନିର୍ବାଚିତ ପ୍ରତିନିଧିମାନେ ଶପଥ ଗ୍ରହଣ କରିବେ। ଦୀର୍ଘ ୮ ବର୍ଷ ପରେ ଛାତ୍ରସଂସଦ ନିର୍ବାଚନ ହେଉଥିବାରୁ ଛାତ୍ରଛାତ୍ରୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି।