Garvita Odia
ରଣକ୍ଷେତ୍ର ପାଲଟିଲା ଲୋୟର ପିଏମଜି। ଡ୍ରାଇଭରଙ୍କ ଆନ୍ଦୋଳନରେ ଠପ୍ ଜନପଥ। ଆଜି ତୃତୀୟ ଦିନରେ ତୀବ୍ର ହୋଇଛି ଅନଲାଇନ ଡ୍ରାଇଭରଙ୍କ ଆନ୍ଦୋଳନ। ଆନ୍ଦୋଳନ ବେଳେ ପୋଲିସ ସହିତ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଛି। ପୋଲିସକୁ ଟେକା ପଥର ମାଡ଼ କରିବା ସହ ଆମ ବସ୍ ଭାଙ୍ଗିଛନ୍ତି ଆନ୍ଦୋଳନକାରୀ। ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ଲାଠିଚାର୍ଜ କରିଛି ପୋଲିସ। ଲାଠି ଚାର୍ଜରେ ଆନ୍ଦୋଳନକାରୀ ଓ ଟେକା ମାଡ଼ରେ ପୋଲିସ ଆହତ ହୋଇଛନ୍ତି।
ଏହି ଘଟଣାକୁ ଡିସିପି ଜଗମୋହନ ମୀନା କହିଛନ୍ତି, ଆନ୍ଦୋଳନ ବେଳେ ହିଂସାତ୍ମକ କାଣ୍ଡ ଘଟାଇଥିବା ଡ୍ରାଇଭରଙ୍କ ଗାଡ଼ି ସିଜ୍ ହେବ। FIR କରି ସେମାନଙ୍କୁ ଗିରଫ କରାଯିବ। ସେମାନଙ୍କ ଦାବି ଅଯଥାର୍ଥ। ଏଥିରେ ସରକାରଙ୍କ କିଛି କରିବାର ନାହିଁ।। ସେମାନେ ଘରୋଇ କଂପାନୀ ସହ ସଂପୃକ୍ତ, ଏଥିରେ ସରକାର କଣ କରିବେ। ଆନ୍ଦୋଳନ କରିବାକୁ କେବଳ ଦିନକ ପାଇଁ ଅନୁମତି ଥିଲା, ଆଜି ଜାଣିଶୁଣି ଅସୁବିଧା କରୁଛନ୍ତି। ଯେଉଁମାନେ ଭଙ୍ଗାରୁଜା କରିଛନ୍ତି, ସେମାନଙ୍କ ମଧ୍ୟରୁ କିଛି ଜଣଙ୍କୁ ଅଟକ ରଖାଯାଇଛି। ଥାନାରେ ଏତଲା କରି ଗିରଫ ସହ କୋର୍ଟ ଚାଲାଣ କରିବୁ ବୋଲି ଡିସିପି କହିଛନ୍ତି।
