ଶାନ୍ତି ମଞ୍ଜରୀ ଦେଇ ଦେବଗଡ଼ ପୌରାଧ୍ୟକ୍ଷା ପଦରେ ପୁନଃ ଅବସ୍ଥାପିତ

ଦେବଗଡ଼:ଦେବଗଡ଼ ପୌରପାଳିକାର ପୂର୍ବତନ ଅଧ୍ୟକ୍ଷା ଶ୍ରୀମତୀ ଶାନ୍ତି ମଞ୍ଜରୀ ଦେଇଙ୍କୁ ରାଜ୍ୟ ସରକାରଙ୍କ ଦ୍ୱାରା ଆଧାର ବିହୀନ ତଥା ଭୁଲ ଅଭିଯୋଗ ଆଧାରରେ ପଦଚ୍ୟୁତ କରାଯାଇଥିବା ବିବାଦରେ ଶେଷରେ ନ୍ୟାୟର ଜୟ ଘଟିଛି। ଏହାକୁ ଚ୍ୟାଲେଞ୍ଜ କରି ସେ ଉଚ୍ଚ ନ୍ୟାୟାଳୟର ଶରଣ ନେଇଥିଲେ ଓ ଉଚ୍ଚ ନ୍ୟାୟାଳୟ ନିଜ ଶୁଣାଣିରେ ଅଭିଯୋଗକୁ ଭିତ୍ତିହୀନ କହିବା ସହ ଅଧ୍ୟକ୍ଷାଙ୍କୁ ଶୀଘ୍ର ନିର୍ଦ୍ଦେଶ ପାଇଲାକ୍ଷଣି ପୁନଃ ଅବସ୍ଥାବିତ ପାଇଁ ନିର୍ଦ୍ଦେଶ ଦେଇଥିଲେ । ହାଇକୋର୍ଟଙ୍କ ନିର୍ଦ୍ଦେଶ ଆଧାରରେ ପୁନଃ ଅବସ୍ଥାପିତ ପାଇଁ ଗୃହ ଓ ନଗର ଉନ୍ନୟନ ବିଭାଗ ନିର୍ଦ୍ଦେଶକ ଚିଠି ଲେଖି ଜଣାଇଛନ୍ତି । ବିଭାଗର ପତ୍ର ସଂଖ୍ୟା ୨୩୦୬୦ ଅନୁସାରେ ଶ୍ରୀମତୀ ଦେଇ ଙ୍କୁ ପୁନଃ ଅବସ୍ଥାପିତ ନିମନ୍ତେ ନିର୍ଦ୍ଦେଶ ଦିଆ ଯାଇଅଛି।ଅନିୟମିତ ଅଭିଯୋଗରେ ୨୦୨୪ରେ ଦେବଗଡ଼ ପୌରପରିଷଦ ଅଧ୍ୟକ୍ଷା ପଦବୀରୁ ବହିଷ୍କାର କରିଥିଲେ ସରକାର। ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ଶାନ୍ତି ମଞ୍ଜରୀ, ବିଳମ୍ବରେ ହେଲେ ମଧ୍ୟ ସତ୍ୟର ଜୟ ହେଉଛି ବୋଲି ବୁଦ୍ଧିଜୀବୀ ମହଲରେ ଆଲୋଚନା ଚାଲିଛି।