Garvita Odia
ବୁର୍ଲା: ଆଜି ବୁର୍ଲା ଏବଂ ସମ୍ବଲପୁର ଗସ୍ତରେ ଆସୁଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବୁର୍ଲା ଏବଂ ସମ୍ବଲପୁରରେ ଆୟୋଜିତ ଏକାଧିକ କାର୍ୟ୍ୟକ୍ରମରେ ଯୋଗଦାନ କରିବେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ଗସ୍ତସୂଚୀ ଅନୁସାରେ ରବିବାର ମଧ୍ୟାହ୍ନ ୧ଟା ସମୟରେ ସ୍ୱତନ୍ତ୍ର ହେଲିକ୍ୟାପ୍ଟରରେ ଜମାଦାରପାଲି ଏୟାରଷ୍ଟ୍ରିପ୍ରେ ପହଞ୍ଚିବେ। ଏହାପରେ ସେଠାରେ ୧ଟା ୧୫ମି.ରେ ମୁଖ୍ୟମନ୍ତ୍ରୀଙ୍କ କାର୍କେଡ୍ ସିଧାସଳଖ ବୁର୍ଲା ଅଭିମୁଖେ ବାହାରିବ । ୧ଟା ୪୫ମି. ରେ ବୁର୍ଲା ସରକାରୀ ହାଇସ୍କୁଲ୍ରେ ଚାଲିଥିବା ପ୍ଲାଟିନମ୍ ଜୁବ୍ଲି ଉତ୍ସବରେ ଯୋଗ ଦେବେ ମୁଖ୍ୟମନ୍ତ୍ରୀ । ୨ଟା ୪୫ମି. ପର୍ୟ୍ୟନ୍ତ ପ୍ଲାଟିନମ୍ ଜୁବ୍ଲି ସଭାରେ ଉପସ୍ଥିତ ରହିବେ । ଏହାପରେ ୨ଟା ୪୫ ମି. ରୁ ୩ଟା. ୧୫ ମି. ପର୍ୟ୍ୟନ୍ତ ମୁଖ୍ୟମନ୍ତ୍ରୀ ବୁର୍ଲା ହାଇସ୍କୁଲ୍ ପରିସରରେ ମଧ୍ୟହ୍ନ ଭୋଜନ କରିବେ । ଏଥିପାଇଁ ସମସ୍ତ ପ୍ରକାର ବ୍ୟବସ୍ଥା କରାଯାଇଛି । ଏହାପରେ ୩ଟା ୧୫ ମି. ରେ ବୁର୍ଲାରୁ ମୁଖ୍ୟମନ୍ତ୍ରୀଙ୍କ କାର୍କେଡ ସମ୍ବଲପୁର ମନ୍ଦଲିଆ ପଡ଼ିଆରେ ଅୟୋଜିତ କାର୍ୟ୍ୟକ୍ରମରେ ଯୋଗଦେବେ ।
ଏହାପରେ ୪ଟା ୩୦ମି.ରେ ମନ୍ଦଲିଆ ପଡ଼ିଆରୁ ବାହାରି କ୍ଷେତରାଜପୁର ଅଭିମୁଖେ ଯିବେ । ୪ଟା ୪୫ ରୁ ୫ଟା ୧୫ମି. ପର୍ୟ୍ୟନ୍ତ କ୍ଷେତରାଜପୁର ମାରୱାଡି ଯୁବ ମଞ୍ଚ ଦ୍ୱାରା ଆୟୋଜିତ ମେଗା ରକ୍ତଦାନ ଶିବିରରେ ଯୋଗଦାନ କରିବେ । ଏହାପରେ ୫ଟା ୧୫ମି. ରେ କ୍ଷେତରାଜପୁରରୁ ବାହାରି ସିନ୍ଦୁରପଙ୍କ ଅଭିମୁଖେ ଯିବେ । ୫ଟା ୪୫ ରୁ ୬ଟା ୪୫ ପର୍ୟ୍ୟନ୍ତ ସିନ୍ଦୁରପଙ୍କ ଠାରେ ଜନାର୍ଦନ ପୂଜାରୀ ସରକାରୀ ଉଚ୍ଚ ବିଦ୍ୟାଳୟର ସୁବର୍ଣ ଜୟନ୍ତୀ ଉତ୍ସବରେ ଯୋଗଦେବାର କାର୍ୟ୍ୟକ୍ରମ ରହିଛି । ଏହାପରେ ସେଠାରୁ ସନ୍ଧ୍ୟା ୭ଟା ସମୟରେ ତାଙ୍କ କାର୍କେଡ ବାହାରି ଝାରସୁଗଡ଼ା ବିମାନବନ୍ଦର ଅଭିମୁଖେ ଯିବ । ଝାରସୁଗୁଡାରୁ ବିମାନ ଯୋଗେ ଭୁବନେଶ୍ୱର ପ୍ରତ୍ୟାବର୍ତ୍ତନ କରିବେ ମୁଖ୍ୟମନ୍ତ୍ରୀ ।
