ସାପ କାମୁଡ଼ାରେ ଚାଲିଗଲା ସରପଞ୍ଚଙ୍କ ଜୀବନ

ରାୟଗଡା,07।09: ଜୀବନ ମୃତ୍ୟୁ କାହା ହାତରେ ନାହିଁ, ମୃତ୍ୟୁ କେମିତି ଆସେ ତାହା କେହି କହିପାରେନା। ରାୟଗଡା ବ୍ଲକ କୁଲି ପଞ୍ଚାୟତରେ ଏକ ଅଭାବନୀୟ ଘଟଣାକ୍ରମରେ ସାପ କାମୁଡାରେ ମହିଳା ସରପଞ୍ଚଙ୍କର ମୃତ୍ୟୁ ଘଟିଥିବା ସୂଚନା ମିଳିଛି। ମୃତ୍ୟୁବରଣ କରିଥିବା ସରପଞ୍ଚ ମାଙ୍ଗି କାଡ୍ରାକା ବୋଲି ଜଣାପଡିଛି। ମାଙ୍ଗି ରାତିରେ ଘରେ ଶୋଇଥିବା ବେଳେ ବିଷାକ୍ତ ସାପ ତାଙ୍କୁ କାମୁଡିଥିଲା । ପରେ ତାଙ୍କୁ ତୁରନ୍ତ ଉଦ୍ଧାର କରାଯାଇ ଜିଲ୍ଲା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । କିନ୍ତୁ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ସରପଞ୍ଚଙ୍କ ମୃତ୍ୟୁକୁ ନେଇ ଅଞ୍ଚଳରେ ଶୋକାକୁଳ ପରିବେଶ ସୃଷ୍ଟି ହୋଇଛି।