ହଟିଲେ ମୀନତି, ବାହାରିଲା ବିଜ୍ଞପ୍ତି

ଭୁବନେଶ୍ୱର : ମହିଳା କମିଶନର ଅଧ୍ୟକ୍ଷା ମୀନତି ବେହେରାଙ୍କୁ ସରକାର ପଦଚ୍ୟୁତ କରାଇଛନ୍ତି । ଏନେଇ ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ଗତ ଅକ୍ଟୋବର ୨୩ରେ ମୀନତିଙ୍କ ସହ ଅନ୍ୟ ସଦସ୍ୟମାନଙ୍କୁ ବରଖାସ୍ତ କରାଗଲା ବୋଲି ସରକାରଙ୍କ ପକ୍ଷରୁ ସୂଚନା ଦିଆଯାଇଥିଲା । ମୀନତିଙ୍କ ଠାରୁ ରିପୋର୍ଟ ମଧ୍ୟ ତଲବ କରାଯାଇଥିଲା । ହେଲେ ମୀନତି କିନ୍ତୁ ହଟିନଥିଲେ । ନିକଟରେ କଟକ ଗଣଦୁଷ୍କର୍ମ ମାମଲାରେ ସେ ଡିସିପିଙ୍କ ଠାରୁ ରିପୋର୍ଟ ତଲବ କରିବା ସହ କମିଶନ ପକ୍ଷରୁ ଟିମ୍‌ ଗଠନ କରି ତଦନ୍ତ କରିଥିଲେ । ଏନେଇ ସେ ଗଣମାଧ୍ୟମକୁ କହିବା ପରେ ମୀନତି ଏବେ ମହିଳା କମିଶନ ଅଧ୍ୟକ୍ଷା ଅଛନ୍ତି କି ବୋଲି ପ୍ରଶ୍ନ ଉଠିଥିଲା । ଏନେଇ ଖୋଳତାଡ଼ ପରେ ମୀନତିଙ୍କୁ ପଦଚ୍ୟୁତ କରାଯାଇଛି ।