Garvita Odia
ଭୁବନେଶ୍ୱର : ଓଡିଶା ପ୍ରଶାସନିକ ସେବା (ଓଏଏସ୍) ପାହ୍ୟାରେ ୪୭୩ ପଦବୀ ଖାଲି ପଡିଛି । ଓଡିଶା ଅର୍ଥସେବାରେ ୨୭୦ ପଦବୀ ଖାଲି ପଡିଥିବାବେଳେ ଓଡିଶା ଜଙ୍ଗଲ ସେବାରେ ୫୭୯ ପଦବୀ ଖାଲି ରହିଥିବା ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝି । ରାଜ୍ୟରେ ପ୍ରଶାସନିକ ସେବା କ୍ଷେତ୍ରରେ ଖାଲି ପଡିଥିବା ପଦବୀ ସଂକ୍ରାନ୍ତରେ ବିଜେପି ବିଧାୟକ ଟଙ୍କଧର ତ୍ରିପାଠୀ ପଚାରିଥିବା ପ୍ରଶ୍ନର ଉତ୍ତରର ମୁଖ୍ୟମନ୍ତ୍ରୀ ଏହି ସୂଚନା ଦେଇଛନ୍ତି । ମୁଖ୍ୟମନ୍ତ୍ରୀ ଉଲ୍ଲେଖ କରିଛନ୍ତି ରାଜ୍ୟରେ ମୋଟ୍ ୨୨୪୮ଟି ମଞ୍ଜୁରୀପ୍ରାପ୍ତ ଓଏଏସ୍ ପଦବୀ ଥିବାବେଳେ ସେଥିରେ ୧୭୭୫ ଜଣ କାର୍ଯ୍ୟରତ ଅଛନ୍ତି । ୪୭୩ଟି ପଦବୀ ଖାଲି ପଡିଛି । ତେବେ କନିଷ୍ଠ ଓଏଏସ୍ ବର୍ଗରେ ସର୍ବାଧିକ ପଦବୀ ଖାଲି ରହିଛିା
ସେହିଭଳି ଓଡିଶା ଅର୍ଥସେବା (ଓଏଫ୍ଏସ୍) ରେ ୧୧୭୨ଟି ମଞ୍ଜୁରୀପ୍ରାପ୍ତ ପଦବୀରେ ୯୦୨ ଜଣ କାର୍ଯ୍ୟରତ ଥିବାବେଳେ ୨୭୦ଟି ପଦବୀ ଖାଲି ପଡିଛିା ଓଏଏସ୍ ପାହ୍ୟା ଭଳି ଏଠାରେର ମଧ୍ୟ କନିଷ୍ଠ ବର୍ଗରେ ୨ଶହରୁ ଅଧିକ ପଦବୀ ଖାଲି ପହିଛି । ଓଡିଶା ଜଙ୍ଗଲ ସେବା (ଓଏଫ୍ଏସ୍)ରେ ସର୍ବାଧିକ ୫୭୯ଟି ପଦବୀ ଖାଲି ରହିଛି । ଏହି ବର୍ଗରେ ୧୦୫୮ଟି ମଞ୍ଜୁରୀପ୍ରାପ୍ତ ପଦବୀ ଥିବାବେଳେ ସେଥିରେ ମାତ୍ର ୪୭୯ଜଣ କାର୍ଯ୍ୟ କରୁଛନ୍ତି । ଜଙ୍ଗଲ ସେବାରେ ସବୁ ପାହ୍ୟାରେ ପଦବୀ ଖାଲି ରହିଛି । ସେହିଭଳି ରାଜ୍ୟରେ ଭାରତୀୟ ପୁଲିସ୍ ସେବା (ଆଇପିଏସ୍) ର ୧୯୫ଟି ମଞ୍ଜୁରୀପ୍ରାପ୍ତ ପଦବୀ ଥିବାବେଳେ ଏଥିରୁ ୬୮ଟି ଖାଲି ପଡିଛି । ଓଡିଶା କ୍ୟାଡରର ୨୨ଜଣ ଆଇପିଏସ୍ ଅଫିସର କେନ୍ଦ୍ର ଓ ଅନ୍ୟ ରାଜ୍ୟ କ୍ୟାଡରକୁ ଯାଇଛନ୍ତି । ସେହିଭଳି ୨୩ଜଣ ଆଇଏଏସ୍ ଓ ୯ଜଣ ଆଇଏଫ୍ଏସ୍ ଅଫିସର କେନ୍ଦ୍ରଓ ଅନ୍ୟ ରାଜ୍ୟ କ୍ୟାଡରକୁ ଯାଇଛନ୍ତି । ଅନ୍ୟ ରାଜ୍ୟ କ୍ୟାଡରର ୨ଜଣ ଆଇଏଏସ୍ଅଫିସର ଓଡିଶାରେ କାର୍ଯ୍ୟରତ ଥିବା ମୁଖ୍ୟମନ୍ତ୍ରୀ ତାଙ୍କ ଉତ୍ତରରେ ଉଲ୍ଲେଖ କରିଛନ୍ତି ।
