Garvita Odia
ଆରଡି: ବୈତରଣୀ ବନ୍ୟାସ୍ଥିତି ଗମ୍ଭୀର। ଧାମନଗର ଓ ଚାନ୍ଦବାଲି ୨ ବ୍ଲକର ୧୫ପଞ୍ଚାୟତ ବନ୍ୟା ଘେରରେ । ଧାମନଗର ୫ପଞ୍ଚାୟତର ୩୦ ଗାଁ ବାହ୍ୟ ଜଗତରୁ ବିଛିନ୍ନ। ଅର୍ଜୁନପୁ, ହସନାବାଦ, ପଧାନୀ ୩ ପଞ୍ଚାୟତର ଶହଶହ ଲୋକ ପାଣି ଘେରରେ । ଆଖଣ୍ଡଳମଣି-କୁଆଖିଆ ୨୦ନମ୍ଵର ଜାତୀୟ ରାଜପଥ ବୋଡକ ନିକଟରେ ବୈତରଣୀ ନଦୀ କୂଳ ଲଘିଂବାରୁ ୧ମି ଯାଏଁ ୨/୩ଫୁଟ ଉଚ୍ଚରେ ଚାଲିଛି ବନ୍ୟାପାଣି। ଚାନ୍ଦବାଲି ୪ପଞ୍ଚାୟତର ଶହଶହ ଏକର ଚାଷଜମି ଜଳମଗ୍ନ। ଏହ ସହ ବହୁ ତଳିଆ ଅଞ୍ଚଳ ମଧ୍ୟ ଜଳମଗ୍ନ ହୋଇଛି। ଆରଡି-ଧାନଖଣିଆ, ଆରଡି- ଚାନ୍ଦବାଲି ୨ଟି ରାସ୍ତାର ବନ୍ୟାପାଣି ଚାଲୁଥିବାରୁ ଯୋଗାଯୋଗ ବାଧାପ୍ରାପ୍ତ ହୋଇଛ।
ବୈତରଣୀ ନଦୀରେ ଆସିଥିବା ବନ୍ୟାକୁ ଲକ୍ଷ୍ୟ କରି ଧାମନଗର ବ୍ଲକର କେତେକ ସ୍କୁଲକୁ ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ୨ଦିନ ଛୁଟି ଘୋଷଣା କରାଯାଇଛି। ରାସ୍ତାରେ ବନ୍ୟାଜଳ ପ୍ରବାହିତକୁ ନେଇ ଛୁଟି ଘୋଷଣା କରାଯାଇଛି। ସୋହଡା, ପ୍ରଧାନୀ, ହସାନବାଦ, ଅର୍ଜୁନପୁର ପଞ୍ଚାୟତର ୨୫ଟି ସ୍କୁଲକୁ ଛୁଟି ଘୋଷଣା କରିଛି ପ୍ରଶାସନ।
