Garvita Odia
ଜଟଣୀ: ଯାତ୍ରା ନୃତ୍ୟଶିଳ୍ପୀ ନିଶା ମହାରଣାଙ୍କ ଉପରକୁ ଚେୟାର ମାଡ଼ । ଜଟଣୀ ଥାନା ଛକ ଅଞ୍ଚଳରେ ଯାତ୍ରା ନୃତ୍ୟଶିଳ୍ପୀ ନିଶା ମହାରଣାଙ୍କ ଉପରକୁ ଚେୟାର ମାଡ଼ ହୋଇଛି । ଯାତ୍ରା ଚାଲିଥିବା ବେଳେ ନିଶା ନୃତ୍ୟ ପରିବେଷଣ କରୁଥିଲେ । ଏହି ସମୟରେ କିଛି ଯୁବକ ପେଣ୍ଡାଲ ତଳେ ନାଚୁଥିଲେ । ସେଠାରେ ବସିଥିବା ଅନ୍ୟ ଜଣେ ଯୁବକଙ୍କୁ ସେମାନେ ହାତ ଧରି ନାଚିବାକୁ ଡାକିଥିଲେ । ତେବେ ଯୁବକ ଜଣକ ସିଧାସିଧା ମନା କରିଦେଇଥିଲେ । ଆଇଟମ୍ ନମ୍ବର ନାଚରେ ଅଶ୍ଳୀଳତା ଥିବା କହି ନିଶା ମହାରଣାଙ୍କ ଉପରକୁ ଲକ୍ଷ୍ୟ କରି ଚେୟାର ଫୋପାଡ଼ିଥିଲେ । ଚେୟାର ମଞ୍ଚ ଉପରେ ପଡ଼ିବା ପରେ ନିଶା ସେଠାରୁ ଚାଲିଯାଇଥିଲେ ।
ନାଚ ବନ୍ଦ ହୋଇଯିବାରୁ କିଛି ଯୁବକ ଉତ୍ତ୍ୟକ୍ତ ହୋଇ ଚେୟାର ଫୋପାଡ଼ିଥିବା ଯୁବକଙ୍କୁ ନିସ୍ତୁକ ମାଡ଼ମାରି ଲାହୁଲୁହାଣ କରିଦେଇଥିଲେ । ପେଣ୍ଡାଲ ତଳେ କିଛି ସମୟ ପାଇଁ ଉତ୍ତେଜନା ପ୍ରକାଶ ପାଇଥିଲା । ଘଟଣାସ୍ଥଳରେ ପୁଲିସ ପହଞ୍ଚି ସ୍ଥିତି ନିୟନ୍ତ୍ରଣ କରିଛି । ଏହି ଆକ୍ରମଣ ପଛରେ ରାଜନୈତିକ ଆକ୍ରୋଶ ଥିବା ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି ।
