ଭାରତ ବଜାରରେ ପ୍ରବେଶ କଲା Samsung Galaxy S25 FE 5G;

ନୂଆଦିଲ୍ଲୀ,04।09:ସାମସଙ୍ଗର ବାର୍ଷିକ ଇଭେଣ୍ଟ ଗାଲାକ୍ସି ଅନପ୍ୟାକଡ୍‌ 2025ର ଆଜି (ଗୁରୁବାର) ଶୁଭାରମ୍ଭ ହୋଇସାରିଥିବାବେଳେ କମ୍ପାନୀ ଆନୁଷ୍ଠାନିକ ଭାବରେ ନୂତନ ପିଢ଼ିର ଫ୍ୟାନ୍ ଏଡିସନ୍ ସ୍ମାର୍ଟଫୋନ ‘Galaxy S25 FE 5G’କୁ ଲଞ୍ଚ କରିଛି । ଏହି ନୂତନ ସାମସଙ୍ଗ ଫୋନରେ Galaxy S25 ସିରିଜର କିଛି ଫ୍ଲାଗସିପ୍ ଫିଚର୍ସ ରହିଛି, କିନ୍ତୁ ଏକ ସୁଲଭ ମୂଲ୍ୟରେ ଏହାକୁ ଉପଲବ୍ଧ କରାଯାଇଛି । ନୂଆ OneUI 8 ଅପଡେଟ୍, Galaxy AI ଫିଚର୍ସଠାରୁ ଆରମ୍ଭ କରି ଏକ ଆକର୍ଷଣୀୟ ଡିଜାଇନ ପର୍ଯ୍ୟନ୍ତ, Galaxy S25 FE ଗ୍ରାହକଙ୍କ ପାଇଁ ଆଦର୍ଶ ଫୋନ ହୋଇପାରେ । ଏହି ହ୍ୟାଣ୍ଡସେଟ୍‌ଟି ସାମସଙ୍ଗର ନିଜସ୍ବ Exynos 2400 ଚିପସେଟ୍ ସହିତ 8GB RAM ସହିତ ଆସିଛି । ଏଥିରେ 50-ମେଗାପିକ୍ସେଲ୍‌ ଟ୍ରିପଲ୍‌ ରିଅର୍‌ କ୍ୟାମେରା ୟୁନିଟ୍‌ ଏବଂ 12-ମେଗାପିକ୍ସେଲ୍‌ ସେଲ୍‌ଫି ସୁଟର୍‌ ଅଛି । ଫୋନଟି 7 ବର୍ଷର Android OS ଅପଗ୍ରେଡ୍‌ ଏବଂ ସୁରକ୍ଷା ଅପଡେଟ୍‌ ପାଇବାର ପ୍ରତିଶ୍ରୁତି ଦିଆଯାଇଛି । ଏଥିରେ 4900mAh ବ୍ୟାଟେରୀ ସହିତ ୱେୟାର୍ଡ ଏବଂ ୱାୟାରଲେସ୍ ଦ୍ରୁତ ଚାର୍ଜିଂ ସପୋର୍ଟ ରହିଛି । ଏହି ହ୍ୟାଣ୍ଡସେଟ୍‌ ଚଳିତ ବର୍ଷ ଫେବୃଆରୀରେ ଉନ୍ମୋଚିତ ହୋଇଥିବା Galaxy S25 ସିରିଜର ସ୍ମାର୍ଟଫୋନ ସହିତ ସାମିଲ ହୋଇଛି ।