Garvita Odiaନୂଆଦିଲ୍ଲୀ,07।09: ଅମନ ସୈନି, ଋଷଭ ଯାଦବ ଓ ପ୍ରଥମେଶ ବାଲଚନ୍ଦ୍ର ଫୁଜେଙ୍କୁ ନେଇ ଗଠିତ ଭାରତୀୟ ତୀରନ୍ଦାଜୀ ଟିମ ହାସଲ କରିପାରିଛି ଐତିହାସିକ ସଫଳତା। ଭାରତକୁ ପ୍ରଥମଥର ପାଇଁ ମିଳିଛି ପୁରୁଷ କମ୍ପାଉଣ୍ଡ ଟିମ ବିଶ୍ୱ ତୀରନ୍ଦାଜୀ ଚାମ୍ପିୟନଶିପରେ ସ୍ୱର୍ଣ୍ଣ ପଦକ। ଫାଇନାଲରେ ଭାରତୀୟ ଟିମ ଫ୍ରାନ୍ସର ନିକୋଲ୍ସ ଗିରାର୍ଡ, ଜେନ ଫିଲିପେ ବୌଲଚ ଓ ଫ୍ରାଙ୍କୋସ ଡୁବୋଇସଙ୍କୁ ପରାସ୍ତ କରିଛି। ଫ୍ରାନ୍ସ ପୂର୍ବରୁ ୧୯୯୫ ଜାକାର୍ତ୍ତା ବିଶ୍ୱ ତୀରନ୍ଦାଜୀ ଚାମ୍ପିୟନଶିପରେ ସ୍ୱର୍ଣ୍ଣ ଜିତିଥିଲା କିନ୍ତୁ ୨୦୨୫ରେ ଭାରତୀୟ ଟିମ ଫ୍ରାନ୍ସକୁ ହରାଇ ଇତିହାସ ରଚିଛି। ଭାରତର ବିଜୟ ଯାତ୍ରା ଅଷ୍ଟ୍ରେଲିଆ ବିପକ୍ଷ ମ୍ୟାଚ୍ରୁ ଆରମ୍ଭ ହୋଇଥିଲା। ମ୍ୟାଚ୍ ୨୩୨ ପଏଣ୍ଟରେ ଟାଇ ରହିବାରୁ ଶୁଟ ଆଉଟ ସ୍ଥିତି ଉପୁଜି ଥିଲା। ଏହାକୁ ୩୦-୨୮ରେ ଭାରତ ଜିତି ପରବର୍ତ୍ତୀ ରାଉଣ୍ଡକୁ ଯାଇଥିଲା। ଏହାପରେ ଆମେରିକାକୁ କ୍ୱାର୍ଟର ଫାଇନାଲରେ ଓ ସେମି ଫାଇନାଲରେ ତୁର୍କୀକୁ ହରାଇ ଚମତ୍କାର ଢଙ୍ଗରେ ଫାଇନାଲରେ ପ୍ରବେଶ କରିଥିଲା ଭାରତୀୟ ଟିମ।
ଫାଇନାଲରେ ପୂର୍ବତନ ଚାମ୍ପିୟନ ଫ୍ରାନ୍ସ କଡ଼ା ଟକ୍କର ଦେଇଥିଲେ ବି ଶେଷରେ ଭାରତୀୟ ଟିମ ୨୩୫-୨୩୩ ପଏଣ୍ଟ ବ୍ୟବଧାନରେ ଫ୍ରାନ୍ସକୁ ହରାଇ ସ୍ୱର୍ଣ୍ଣ ପଦକ ନିଜ ନାଁରେ କରିଛି। ୨୩ ବର୍ଷୀୟ ଋଷଭ ଯାଦବଙ୍କ ପାଇଁ ଆଜିର ବିଜୟ ବେଶ ସ୍ମରଣୀୟ କାରଣ ସେ ରବିବାର ପୁରୁଷ ବର୍ଗର ମିକ୍ସଡ ଟିମ ଫାଇନାଲରେ ଭାରତ ରୌପ୍ୟ ପଦକ ଜିତାଇଥିଲେ।
ଏସୀୟ କ୍ରୀଡା ; ହାରିଲା ପାକିସ୍ତାନ; ଟିମ୍ ଇଣ୍ଡିଆ ଜିତିଲା ସ୍ୱର୍ଣ୍ଣ ପଦକ
Garvita Odia- October 3, 2026
ନୂଆଦିଲ୍ଲୀ : ଏସୀୟ କ୍ରୀଡାରେ ଇତିହାସ ରଚିଲା ଭାରତ। କ୍ରିକେଟରେ ସ୍ୱର୍ଣ୍ଣ ପଦକ ଜିତିଲା ଭାରତ। ଫାଇନାଲରେ ପାକିସ୍ତାନକୁ ହରାଇ ସୁନା ଜିତିଲା ଟିମ୍ ଇଣ୍ଡିଆ। ଲଗାତାର ୨ୟ ଥର ପାଇଁ ସ୍ୱର୍ଣ୍ଣ ପଦକ ହାତେଇଲା ଭାରତ। ୧୯ ରନରେ ପାକିସ୍ତାନକୁ…
