ଭାରତ ଟି-୨୦ ବିଶ୍ୱ ଚାମ୍ପିଅନ୍‌: ଶୁଭେଚ୍ଛା ଜଣାଇଲେ ରାଷ୍ଟ୍ରପତି, ପ୍ରଧାନମନ୍ତ୍ରୀ

ଅହମ୍ମଦାବାଦ: ଇତିହାସ ରଚିଛି ଟିମ୍ ଇଣ୍ଡିଆ । ପ୍ରଥମ ଦଳ ଭାବେ ସର୍ବାଧିକ ତୃତୀୟ ଥର ପାଇଁ ଟି-ଟ୍ୱେଣ୍ଟି ବିଶ୍ୱକପ୍ ଚାମ୍ପିଅନ ଆଖ୍ୟା ଅର୍ଜନ କରିଛି । ପ୍ରଥମ ଡିଫେଣ୍ଡିଂ ଚାମ୍ପିଅନ ଦଳ ଭାବେ ମଧ୍ୟ ବିଶ୍ୱକପ୍ ଟାଇଟଲ ବଜାୟ ରଖିଛି । ନରେନ୍ଦ୍ର ମୋଦି ଷ୍ଟାଡ଼ିୟମ୍ରେ ଆଜି ଅନୁଷ୍ଠିତ ଫାଇନାଲ୍ ମୁକାବିଲାରେ ଭାରତ ୯୬ ରନ୍ରେ ନ୍ୟୁଜିଲାଣ୍ଡକୁ ପରାସ୍ତ କରିଛି । ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ପ୍ରମୁଖ ବିଶ୍ୱ ଚାମ୍ପିଅନ୍ ଭାରତୀୟ ଦଳକୁ ଶୁଭେଚ୍ଛା ଜଣାଇଛନ୍ତି ।

ରାଷ୍ଟ୍ରପତି ଦ୍ରୌପଦୀ ମୁର୍ମୁ

ଆଇସିସି ଟି-ଟ୍ୱେଣ୍ଟି ବିଶ୍ୱକପ୍ ଚାମ୍ପିଅନ୍ ହୋଇ ଇତିହାସର ଶିଖର ଛୁଇଁଥିବା ଟିମ୍ ଇଣ୍ଡିଆକୁ ବହୁତ ବହୁତ ଶୁଭେଚ୍ଛା । ଏକମାତ୍ର ଦେଶ ଭାବେ ଭାରତ ତୃତୀୟ ଥର ଏବଂ କ୍ରମାନ୍ୱୟରେ ଦ୍ୱିତୀୟ ଥର ବିଶ୍ୱକପ୍ ଟ୍ରଫି ଜିତିଛି । ଏହି ସଫଳତା ଆମ କ୍ରିକେଟପ୍ରେମୀଙ୍କ ପାଇଁ ବହୁତ ଖୁସି ଏବଂ ଗର୍ବ ଆଣି ଦେଇଛି । ଏହା ବିଭିନ୍ନ କ୍ଷେତ୍ରରେ ଆମର ଯୁବ ପିଢ଼ିଙ୍କ ନିକଟରେ ଥିବା ପ୍ରତିଭାକୁ ଦର୍ଶାଉଛି । ଏହି ବିଜୟ ପାଇଁ ସମସ୍ତ ଖେଳାଳି, ଟିମ୍ ମ୍ୟାନେଜମେଣ୍ଟ ଏବଂ ସପୋର୍ଟ ଷ୍ଟାଫ୍ ସବୁଠୁ ଅଧିକ ପ୍ରଶଂସା ପାଇବାର ହକ୍ଦାର । ଆମ ଦଳ ଭବିଷ୍ୟତରେ ବି ଏଭଳି ସଫଳତା ହାସଲ କରୁ ମୋର କାମନା ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ଚାମ୍ପିଅନ୍ । ଆଇସିସି ଟି-ଟ୍ୱେଣ୍ଟି ବିଶ୍ୱକପ୍ ବିଜେତାଭାରତୀୟ ଦଳକୁ ବହୁତବହୁତ ଶୁଭେଚ୍ଛା । ଦଳରଏହି ଉଲ୍ଲେଖନୀୟ ବିଜୟଅସାଧାରଣ ଦକ୍ଷତା, ଦୃଢ଼ନିଷ୍ପତ୍ତି ଏବଂ ଦଳଗତକାର୍ୟ୍ୟକୁ ପ୍ରତିଫଳିତ କରୁଛି । ଆମ ଖେଳାଳିମାନେସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟରେ ଉତ୍କୃଷ୍ଟ ଦୃଢ଼ତା ଦେଖାଇଛନ୍ତି ।ଏହି ବିଜୟ ପ୍ରତ୍ୟେକ ଭାରତୀୟଙ୍କ ହୃଦୟକୁ ଗର୍ବଏବଂ ଖୁସିରେ ଭରି ଦେଇଛି । ବହୁତ ଭଲ ଖେଳିଲଟିମ୍ ଇଣ୍ଡିଆ ।