ମହିଳା ବିଲକୁ ବିରୋଧ କରି ଇଣ୍ଡି ମେଣ୍ଟର ଅସଲ ମୁଖା ଖୋଲିଗଲା : ମୁଖ୍ୟମନ୍ତ୍ରୀ

ଭୁବନେଶ୍ବର : ଲୋକସଭା ଓ ବିଧାନସଭାରେ ମହିଳାଙ୍କୁ ୩୩ ପ୍ରତିଶତ ସଂରକ୍ଷଣର ଗ୍ୟାରେଣ୍ଟି ମିଳିଥାନ୍ତା । ୨୦୨୩ରେ ନିର୍ବାଚନ ପାଇଁ ବିରୋଧୀ ଏହାକୁ ସମର୍ଥନ କରିଥିଲେ । ଏବେ ଏହି ବିଲକୁ ବିରୋଧ କରି ଇଣ୍ଡି ମେଣ୍ଟର ଅସଲ ମୁଖା ଖୋଲିଗଲା । ଜନ ଆକ୍ରୋଶ ମହିଳା ସମାବେଶରେ ମୁଖ୍ୟମନ୍ତ୍ରୀ ମୋହନ ମାଝୀ ଏହା କହିଛନ୍ତି।
ମୁଖ୍ୟମନ୍ତ୍ରୀ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦୀଙ୍କ ଉପରେ ଭରସା ଅଛି । ଏହି ଲଢେଇ ସମସ୍ତଙ୍କର। ମହିଳାଙ୍କ ଏହି ସ୍ୱର ପ୍ରତାରଣାକାରୀଙ୍କ ଦୋମୁଁହା ନୀତିର ପର୍ଦାଫାଶ କରି ତାଙ୍କ ନିଦ ହଜେଇ ଦେବ । ଆଜି ଯେଉଁମାନେ ଏହି ଆଇନକୁ ବିଫଳ କଲେ ସେମାନଙ୍କୁ ସମୟର କାଳଚକ୍ରରେ କେହି ରକ୍ଷା କରି ପାରିବେ ନାହିଁ । ମହିଳା ବିଲକୁ ବିରୋଧ ବିରୋଧୀଙ୍କ ରାଜନୈତିକ ଭବିଷ୍ୟତ ଧୂଳିସାତ ହୋଇଯିବ । ଯୁଗେ ଯୁଗେ ଅଛି ମହିଳାଙ୍କୁ ଯିଏ ସମ୍ମାନ ଦେଇନାହାନ୍ତି ସେମାନଙ୍କ ବଂଶ ଧ୍ବଂସ ହୋଇଛି । ଆଜି ଭୁବନେଶ୍ୱରର ଆକ୍ରୋଶ ପ୍ରତି ଗାଁକୁ ବ୍ୟାପିଯିବ । ସେହିପରି ବିଜେଡିକୁ ମୁଖ୍ୟମନ୍ତ୍ରୀ ଟାର୍ଗେଟ କରି କହିଛନ୍ତି, ଏତେ ବର୍ଷ ଶାସନକରି ମହିଳା ସଶକ୍ତିକରଣର ସଂଜ୍ଞା ସେମାନଙ୍କୁ ଜଣା ନାହିଁ ।
ରାଜ୍ୟ ବିଜେପି ସଭାପତି ମନମୋହନ ସାମଲ କହିଥିଲେ ଯେ ନାରୀମାନଙ୍କ ପାଇଁ ସଂସଦରେ ୧୭ ତାରିଖ ଯେଉଁ ଆଲୋଚନା ହେଲା ଇତିହାସ ବଦଳିଥାନ୍ତା । କଂଗ୍ରେସ ନେତୃତ୍ୱରେ ସବୁ ଦଳ ଏ ବିଲକୁ ଅନୁମୋଦନ କରିବାକୁ ଦେଲେ ନାହିଁ । ଯେତେ ନିନ୍ଦା କଲେ କମ ହେବ ।

କଂଗ୍ରେସ ଯାହାର ଭବିଷ୍ୟତ ନାହିଁ ସେମାନେ ବିରୋଧ କଲେ । ରାହୁଲ ଗାନ୍ଧୀ ଏବଂ ଅନ୍ୟ ଦଳ ଯେଉଁ ଉତ୍ସବ ମନାଇଲେ ଇତିହାସ ମନେ ରଖିବ । ପାର୍ଲାମେଣ୍ଟ ରୁ ପଞ୍ଚାୟତ ପର୍ଯ୍ୟନ୍ତ ଏହାକୁ ନିଆଯିବ | ଆଜି ରାଜ୍ୟସ୍ତରୀୟ ପଦଯାତ୍ରା ହୋଇଛି । ୨୪ ଓ ୨୫ ଦୁଇ ଦିନ ଧରି ଜିଲ୍ଲା ସ୍ତରରେ ପଦଯାତ୍ରା ହେବ ଏବଂ ପରେ ବୁଥ ସ୍ତର ପର୍ଯ୍ୟନ୍ତ ନିଆଯିବ । ନାରୀ ଙ୍କୁ ଯେଉଁ ପର୍ଯ୍ୟନ୍ତ ସାମ୍ବିଧାନିକ ସମ୍ମାନ ଦେଇନ ଲଢେଇ ଜାରି ରହିବ ବୋଲି ମନମୋହନ କହିଛନ୍ତି ।