ଦିନ 1ଟା ସୁଦ୍ଧା ପଶ୍ଚିମବଙ୍ଗରେ 62.18% ଓ ତାମିଲନାଡୁରେ 56.81% ମତଦାନ

ଭୋଟ ଦେଉଛନ୍ତି ପଶ୍ଚିମବଙ୍ଗ ଓ ତାମିଲନାଡୁବାସୀ । ସକାଳ 7ଟାରୁ 2ଟି ରାଜ୍ୟରେ ମତଦାନ ଆରମ୍ଭ ହୋଇଛି । ପଶ୍ଚିମବଙ୍ଗରେ ଦୁଇଟି ପର୍ଯ୍ୟାୟ ନିର୍ବାଚନ ହେବାକୁ ଥିବା ବେଳେ ଆଜି ପ୍ରଥମ ପର୍ଯ୍ୟାୟ ଭୋଟିଂ ହେଉଛି । 294ଟି ଆସନ ମଧ୍ୟରୁ ପ୍ରଥମ ପର୍ଯ୍ୟାୟ 152ଟି ଆସନରେ ମତଦାନ ହେଉଛି । ପ୍ରାୟ 1.75 କୋଟି ମହିଳା ସମେତ 3.60 କୋଟିରୁ ଅଧିକ ଭୋଟର ଆଜି ସେମାନଙ୍କର ମତାଧିକାର ସାବ୍ୟସ୍ତ କରୁଛନ୍ତି । ବାକି 142ଟି ଆସନରେ ଦ୍ବିତୀୟ ପର୍ଯ୍ୟାୟ ମତଦାନ 29 ତାରିଖରେ ଅନୁଷ୍ଠିତ ହେବ ।

ତାମିଲନାଡୁରେ ସମସ୍ତ 234ଟି ନିର୍ବାଚନ ମଣ୍ଡଳୀରେ ମତଦାନ ଆରମ୍ଭ ହୋଇଛି । ମୋଟ 5 କୋଟି 73 ଲକ୍ଷ 43 ହଜାର 291 ଜଣ ଭୋଟର ସେମାନଙ୍କର ମତାଧିକାର କରିବେ । ନିର୍ବାଚନ ମଇଦାନରେ ଥିବା 4 ହଜାର 23 ଜଣ ପ୍ରାର୍ଥୀଙ୍କ ନିର୍ବାଚନୀ ଭାଗ୍ୟ ପରୀକ୍ଷା କରୁଛନ୍ତି । ରାଜ୍ୟରେ ମୋଟ 75 ହଜାର 64ଟି ମତଦାନ କେନ୍ଦ୍ର ସ୍ଥାପନ କରାଯାଇଛି ।

ନିର୍ବାଚନ କମିଶନ (ଇସି)ଙ୍କ ରିପୋର୍ଟ ଅନୁଯାୟୀ, ତାମିଲନାଡୁ ବିଧାନସଭା ନିର୍ବାଚନରେ ​​ଅପରାହ୍ନ 1ଟା ସୁଦ୍ଧା 56.81 ପ୍ରତିଶତ ମତଦାନ ହୋଇଛି । ଚେନ୍ନାଇ ଜିଲ୍ଲାରେ 54.58 ପ୍ରତିଶତ, ମଦୁରାଇରେ 54.75 ପ୍ରତିଶତ, କୋଏମ୍ବାଟୁରରେ 58.24 ପ୍ରତିଶତ ଏବଂ ତିରୁଚିରାପାଲିରେ 57.66 ପ୍ରତିଶତ ମତଦାନ ହୋଇଛି ।
ନିର୍ବାଚନ କମିଶନଙ୍କ ତଥ୍ୟ ଅନୁଯାୟୀ, ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ଅପରାହ୍ନ 1ଟା ସୁଦ୍ଧା 62.18 ପ୍ରତିଶତ ଭୋଟର ସେମାନଙ୍କର ମତଦାନ ଦେଇଛନ୍ତି ।