ସ୍ୱାମୀଙ୍କ ମୃତ୍ୟୁ ପରେ ଡାକ୍ତରଖାନା ଛାତରୁ ଡେଇଁ ଜୀବନ ହାରିଲେ ସ୍ତ୍ରୀ

ବଲାଙ୍ଗିର: ଦୁର୍ଘଟଣାରେ ସ୍ୱାମୀଙ୍କର ମୃତ୍ୟୁ ହୋଇଯିବା ପରେ ଡାକ୍ତରଖାନାର ସର୍ଜରୀ ୱାର୍ଡରୁ ଡେଇଁ ଜଣେ ମହିଳା ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଘଟଣାଟି ଘଟିଛି ବଲାଙ୍ଗିରର ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ।
ମୃତ ମହିଳାଙ୍କ ନାଁ ପଦ୍ମିନୀ ବାଗ। ତାଙ୍କ ଘର ପୁଇଁନ୍ତଳା ଥାନା ଡୁମ୍ବେରବାହଲ ଗାଁରେ। ତାଙ୍କ ସ୍ୱାମୀଙ୍କ ନାଁ ସେବକ ବାଗ।
ଗତକାଲି ରାତି ପ୍ରାୟ ୧୧ଟା ବେଳେ ବଲାଙ୍ଗିର-ସୋନପୁର ରାସ୍ତାର ରଣ୍ଡା ଛକରେ ଏକ ଅଟୋକୁ କୌଣସି ଅଜଣା ଗାଡ଼ି ଧକ୍କା ଦେଇ ଚାଲି ଯାଇଥିଲା। ଏହି ଦୁର୍ଘଟଣାରେ ଡୁମ୍ବେରବାହଲ ଗାଁର ସେବକ ବାଗ ଗୁରୁତର ଆହତ ହୋଇଥିଲେ। ତାଙ୍କୁ ଭୀମଭୋଇ ମେଡିକାଲ କଲେଜ ଓ ହସ୍ପିଟାଲରେ ଭର୍ତି କରଯାଇଥିଲା। ଆଜି ଭୋରରେ ସେବକଙ୍କ ମୃତ୍ୟୁ ହୋଇଯାଇଥିଲା।

ସ୍ୱାମୀ ସେବକ ବାଗଙ୍କର ମୃତ୍ୟୁ ହୋଇଯିବା ପରେ ଡାକ୍ତରଖାନାରେ ଥିବା ପଦ୍ମିନୀ ବାଗ ସର୍ଜରୀ ୱାର୍ଡରୁ ତଳକୁ ଡେଇଁ ପଡ଼ିଥିଲେ। ସେ ଗୁରୁତର ଭାବେ ଆହତ ହୋଇଥିଲେ। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଯାଇଥିଲା। ପରେ ଉଭୟ ସେବକ ଓ ପଦ୍ମିନୀଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଦିଆଯାଇଥିଲା।